Accessibility links

шимбә, 10 декабрь 2016, Казан вакыты 12:06

Qazanda toraq xucalığı turında zakon çığaru eşçänlegenä bağışlanğan konferensiä açıldı


Qazanda toraq xucalığı turında zakon çığaru eşçänlegenä bağışlanğan konferensiä açıldı

Räsmi xäbärlärdä konferensiä yomğaqları buyınça yaña toraq kodeksı öçen ähämiätle qararlar qabul iteläçäk, diyılä. Xalıq öçen iñ ähämiätlese, älbättä, fatir öçen tüläw. Mäğlüm ki, federal' üzäk toraq-kommunal' xucalıq reformasın, berençe çiratta, fatir öçen tüläwlärne arttıruda anı çit ildäge bäyälär belän tigezläwdä kürä. Läkin postsovetik möxittä häm çorda yäşäwçe xalıqnı mondıy reformalar berdä därtländermi. Berençe çiratta, älbättä, çit illärdägeçä fatir öçen çın bäya tüläw öçen çit illärdägeçä çın xezmät xaqı alırğa kiräk. Ägärdä urtaça 2-3 meñ sum alıp eşlägän keşe ber bülmäle fatirı öçen, çit ildägeçä, xezmät xaqınıñ ¼ öleşen tüläsä dä, anıñ yäşäw minimumına citärlek tä aqça qalmıy. Annarı soñ, yortıq östenä yamaw digändäy, xezmät xaqın waqıtında tüläw digän ğadätkä dä äle künegep betä almıylar. Ä inde fatirıñ öçen 100 % tüläp, siña 100 % xezmät kürsätsälär, yäki waqıtında tözätep, waqıtında cıyıştırıp, waqıtında çüben taşıp torsalar – monısı bötenläy mögcizalar, xıyallar ölkäsennän bulır ide. Şuña kürä federal' üzäk töbäklärdän kilgän şundıyraq reaksiälärgä qarap, küräseñ, toraq xucalıq reformasın beraz yomşartırğa isäpli.

Älege konferensiägä kilgän Rusiä Däwlät Dumasınıñ qanunnar çığaru komitetı räise Pawel Kraşeninnikov Tatarstannıñ däwlät citäkçelär belän oçraşqan waqıtta häm jurnalistlar sorawlarına cawap birgändä, federatsiä sub’ektlarınıñ uñay täcribäsen öyrägü zarur toraq xucalıq reformaların tariflarnı kütärügä genä qaytarıp qaldırırğa yaramıy, digän fiker äytte.
XS
SM
MD
LG