Accessibility links

шимбә, 10 декабрь 2016, Казан вакыты 00:17

Tatarstanda 1 marttan elektr energiäsenä bäyälär arttı


Tatarstanda 1 marttan elektr energiäsenä bäyälär arttı

Xalıq ul säyäsi häm ruxi qıymmätlärgä qarağanda, praktik närsälärgä sizgereräk. Äytik, 1 marttan elektrenergiäsenä bäya 10 protsentqa arta. Artmıy, qaya barsın, çönki bit fevral' urtasında tabiğıy ğaznı RAO “Gazprom” oyışması 20 protsentqa qıymmäträk cibärä başladı. Biräse ğaznıñ da şaqtıy öleşe iske bäyädän waqıtında cibärelmägän bulğan. Şuña kürä, “Tatenergo” oyışması qıymmätle mazut yağıp öylärne cılıtqan. Dimäk, cılılıq häm elektr öçen bäyäneñ dä, annarı inde başqa towarlarnıñ bäyäseneñ artuın köt tä tor. Bolay da yıllar buyı elektr häm energiä belän qullanıp, 1 tiyın aqça tülämäwçe fizik häm yuridik zatlar adım sayın oçrıy. “Tatenergo” moña karamastan, kön sayın yañadan elektrnı da, cılılıqnı da tülägänenä dä, tülämägänenä dä birep tora. İnde kiläçäktä tülämäwçelärne çeltärdän ezü yışayırğa tiyış. Mäskäwdäge RAO EES citäkçeläre “Tatenergo”nı üz qullarına töşerergä cıyınalar. Xäzer energetiqa sistemasında reforma bara. Annarı inde şşuı reformanıñ axırı barıber privatizatsiä yäki aksionirovaniägä barıp törälä. Yäğni, xalıqqa tağı da kübräk tülärgä turı kiläçäk. Äle toraq-kommunal' xucalığınıñ reforması başlanırğa tora. İkençe törle äytkändä, 100 protsent çığımnarnı xalıq üze tüläsä, dotatsiä bulmasa, tüläw berniçä tapqır arta. Ay-hay, mixnätle tormışlar kötä Rusiä xalqın. Tatarstan mondıy sotsial' bälä-qazadan qotılıp qala alırmı? Anıñ konstitutsiäse, respubliqa statusı bälädän qotqara yäki anıñ awırlığın ciñeläytä alamı?
XS
SM
MD
LG