Accessibility links

сишәмбе, 6 декабрь 2016, Казан вакыты 13:16

Elemtä ministrlığı yıllıq eşçänlegenä näticälär yasadı


Elemtä ministrlığı yıllıq eşçänlegenä näticälär yasadı

Şimbä könne elemtä ministrlığınıñ yıllıq utırışı buldı. Elemtä tarmağı kiñäya, üsä, ämma finans yaklar haman da möşkel ikän. Söyläşü öçen minutlap, ülçäp tüläw telefon bäyäsen arttıra. Läkin, barıber, poçta bülekläre zıyanğa eşli. Berniçä distä poçta bülege bankrotqa çığarğa mömkin ikän. Poçtasız da torıp bulmıy. Ni disäñ dä, elemtä ul baylıq cıya torğan, ä xalıqqa, däwlätkä xezmät itä torğan tarmaq. Älbättä, telägändä anda da aqçanı eşläp bulır ide. Äytik, şul uq poçta büleklärendä tatarça yazılğan qotlaw kägäzläre, muzıykal' otkrıytkalar, başqa kiräk-yaraqlar, suwenirlar satılsı. Yuk şul, 30-lap sort räsemle xatnıñ barısı rus telendä genä. Ğomümän, elemtä turında yışraq iskä alırğa kiräkter, çönki ul bit xalıq belän däwlät arasındağı elemtä. Soñğı waqıtta jurnalistlar bu tarmaqnı önäp betermi, çönki matbuğat ministrlığı yabılğaç, redaksiälärne elemtäçelärgä tağıp quydılar. Äzer inde tışawlağan ike xäyerçe ber-bersenä bäylängäç eşneñ qaya barğanın çamalap bula.
XS
SM
MD
LG