Accessibility links

шимбә, 3 декабрь 2016, Казан вакыты 18:45

Qazanğa Amerikanıñ Rusiädäge ilçese Alexander Vershbow kilde


Bu könne Qazanda “Bush tawıqların” satunı tuqtatu, yäki Rusiä qorıçın Amerikağa satqanda salımnar arttıru, Pankis tarlawığındağı amerikan kiñäşçelärenä bäyle mäğlümät tartışları sizelmäde. Kiresençä, çärşämbe könne Tatarstanğa 3 könlek räsmi vizit belän kilgän Amerika Quşma Ştatlarınıñ Rusiädäge ilçese Alexander Vershbow Qazandağı törle eşlekle häm säyäsi dairälär belän duslarça oçraşular, söyläşülär alıp bardı. Çärşämbe könne ul Qazan däwlät universitetında, Qazan milli-mädäni üzägendä buldı. Köndezge säğät berdä ul Tatarstan Däwlät Sovetı räise Färit Möxämmätşin belän oçraştı. Pänceşämbe könne Amerikanıñ Mäskäwdäge ilçese belän Tatarstan prezidentı oçraşaçaq digän xäbär bar. Äytergä kiräk, ilçeneñ Qazanda bulu programması, söyläşülärneñ eçtälege kiñ cämäğätçelekkä xäzergä taratılmıy. Bälki vizitnıñ axırında ğına jurnalistlarğa qayber närsälärne täfsilläbräk añlatırlar.
XS
SM
MD
LG