Accessibility links

якшәмбе, 4 декабрь 2016, Казан вакыты 04:57

22 martta Duma “Rusiä Federatsiäse xalıqlarınıñ telläre turında” qanunğa üzgäreşlär kertü mäsäläsen tikşerä


Uzğan xäbärebezdä Rusiä Däwlät Dumasınıñ 12 martta Rusiä xalıqları telläre turında qanun proektı qarayaçaqları häm şuña Tatarstandağı reaksiä turında täfsille söylägän idek. Sişämbe könne Fändäs Safiullin Tatar-İnform agentlığına Rusiä Federatsiäseneñ “Xalıqlar telläre turındağı qanunına” üzgäreşlär kertü turındağı mäsäläne 22 marttağı plenar utırışqa çığarırğa qarar itüe turında xäbär itte. Plenar utırış tikşerüenä ike proekt çığarıla. Berençe räsmi proektnıñ avtorları 10 Duma deputatı arasında 3 Tatarstan keşese dä bar. Alar Äxmätxanov, Aleksandr Saliy, Sergey Şaşurin. Bu tözätmä buyınça nindi dä bulsa milli telne ikençe däwlät tele itep iğlan itkän respublikalarda kirilitsadan başqa älifba qullanu tıyıla.

Fändäs Safiullin bu proekt säyäsi mänfäğätlärne küzallıy, dip sanıy. Älege proekt buyınça Rusiä Däwlät Dumasınıñ öç komitetı yasağan yomğaqlawda tatar telen latinğa küçerüdä Rusiäneñ milli iminlegenä häm territorial' bötenlegenä yäşeren qurqınıç bar, dielgän. Älege yomğaqlawda Törkiäneñ ruxi häm geosäyäsi ekspansiäse qurqınıçınnan saq bulu kiräklege turında äytelä. Dumaçılar fikerençä, Başqortostan, Tatarstan kebek respublikalarda latin kertü yulı belän Törkiä böek Turannı tergezergä omtıla ikän. Bu uñaydan böten tatar xalqına, anıñ zıyalılarına qurqınıç ğäyepläw taşlandı. Alar kollektiv törek şpionı, dip iğlan iteldelär, digän açınıp Fändäs Safiullin.
XS
SM
MD
LG