Accessibility links

якшәмбе, 4 декабрь 2016, Казан вакыты 00:56

Tatarstanda militsionerlar citmi, cinäyätçelär sanı arta


Tatarstanda militsionerlar citmi, cinäyätçelär sanı arta

Xäyer, älegä Rusiä xalıqları telläre turındağı qanunğa östämälär kertü teması kübräk «Efir» kanalın ğına qızıqsındıra buğay. Räsmi matbuğat, televidenie kanalı yaqtırtu öçen başqa möhimräk mäsälälär taptı. Mäsälän, respublika Eçke eşlär ministrlığı eşçänlege. Soñğı waqıtta Tatarstanda militsiä, anıñ xezmätkärläre turında şaqtıy küp söylänä. Monıñ säbäbe küptän tügel bulğan faciğale waqiğalar, alarnı tikşerü näticäläre genä tügel, ä respublikada cinäyätçelek belän wäzğiätneñ könnän-kön awırlaşa baruı da dır, möğayın. Soñğı mäğlümätlärgä qarağanda, Qazanda soñğı ike ay eçendä üterülär häm talawlar sanı 3 märtäbägä artqan. Bu sannarnı jurnalistlar belän oçraşu waqıtında Qazannnıñ Eçke eşlär idäräse citäkçese, militsiä polkovnigı Yevgeniy Däwlätşin kiterde. Anıñ süzlärenä qarağanda, bu kierenke wäzğıät ğömümän respublikada häm ayırım alğanda Qazan şähärendä militsiä xezmätkärläreneñ sanı azayu belän añlatıla. Militsiä xezmätkärläreneñ eştän kitüläreneñ säbäbe isä — alarnıñ eş xaqlarınıñ tübän buluı. Xäyer, şul az aqça da waqıtında tülänmi ikän. Mäsälän, xäzerge köngä 2 meñgä yaqın militsioner inde ike ay eşlägän öçen aqçaların ala almıy ikän. Ä ğadi militsiä yäki yul xäräkäte iminlege xezmätkäreneñ eş xaqı nibarı 1500-2000 sum çaması. Şulay itep, cinäyätçelek belän köräşüçe, qorallanğan keşelär aqçasız utıra.
XS
SM
MD
LG