Accessibility links

дүшәмбе, 5 декабрь 2016, Казан вакыты 21:48

Mäğärif ministrlığında mäktäplärne kompyuterlaştıru mäsäläsenä bağışlanğan konferensiä ütte


Mäğärif ministrlığında mäktäplärne kompyuterlaştıru mäsäläsenä bağışlanğan konferensiä ütte

Soñğı waqıtta mäğärif ministrlığınıñ respublika mäktäplären kompyuterlar belän täemin itüdäge tırışlıqları, mäktäplärne İnternet çeltärenä totaştırırğa niätlänüläre turında şaqtıy küp söylände. Ministrlıq Tatarstan xaqimiäte belän berlektä bu ölkädä çınnan da bik zur eş alıp bara. İnde xäbär itkänebezçä, mäktäplärdä yaña kompyuterlar quyıla, modemnar alına, maxsus belemle uqıtuçılar äzerlänä. Ämmä bu kompyuterlarnıñ eşläwe, bigräk tä alarnıñ tatar telendä qullanıluı zur qıyınlıqlar belän bara. Täcribäle informatika uqıtuçıları, programmistlar häm tatar telen kompyuterlaştıru buyınça metodikalar citeşmi. Bu mäsäläne xäl itmägän oçraqta, assimilyatsiäneñ häm tatar teleneñ ğämäldän çığuınıñ yaña häm soñğı çorı başlanırğa mömkin. Çärşämbe, 13 mart könne, mäğärif ministrlığında mäktäplärne kompyuterlaştıru mäsäläsenä bağışlanğan konferensiä açıldı. Anda mäktäplärdä belem birüdä kompyuter texnologiäsen qullanu mäsäläläre tikşerelde. Bu çarada «Azatlıq» radiosı xäbärçeläre dä qatnaştı. Şuşı konferensiäneñ eşçänlege, anda kütärelgän temalar xaqında kiläse tapşırularıbızda sezgä dä citkererbez.
XS
SM
MD
LG