Accessibility links

якшәмбе, 11 декабрь 2016, Казан вакыты 03:27

Başqortostanda ütäçäk «İlham çişmäläre» festivalendä Tatarstan yazuçıları da qatnaşaçaq


Başqortostanda ütäçäk «İlham çişmäläre» festivalendä Tatarstan yazuçıları da qatnaşaçaq

Menä inde 5 yıl Başqortostannıñ Bäläbäy şähärendä «İlham çişmäläre» digän töbäk-ara poeziä festivale ütä. Anda başqort, rus, tatar, çuwaş tellärendä icat itüçe şağirlärneñ bäygese ütkärelep, ciñüçelärgä büläklär birelä. Şuşı töbäktä tuıp-üskän ädäbiät klassikları Konstantin İvanov, Fatix Kärim icatlarına bäyle çaralar ütkärelä. Ğädättä bu festival'dä Başqortostan, Çuwaşiä, Tatarstan respublikalarınıñ şağirläre, sänğätkärläre qatnaşa. Festival' açılırğa 1 atna qalğaç, Tatarstannıñ Yazuçılar berlegenä dä Bäläbäy şähärennän çaqıru kilde. Şulay itep, Tatarstannıñ bilgele ädäbiätçıları Bäläbäygä qunaqqa barırğa cıyına. 21 martta kiçke säğät 5-tä Bäläbäy pedagogiä kolledjında Fatix Kärim isemendäge ädäbiät büläklären yaña laureatlarğa tapşıraçaqlar. Şul uq könnärdä Bäläbäy häm şul töbäktäge awıllarda sänğät bäyrämnäre ütäçäk.

22 martta Bäläbäy texnika yortında «Yäyğır-2002» dip atalğan şiğri kitapnı täqdir itü bulaçaq. Bu çaranıñ üzençälege nidä soñ? Ğädättä Başqortostanda tuğan tel, millät, töp xalıq digän töşençälär arasında bäxäs, tartışlar, kimsenülär bulğalıy. Ämmä Bäläbäydä ütä torğan «İlham çişmäläre» festivalendä şiğergä, milli ädäbiätkä ğaşiq bulğan hämmä keşe dä tigez sanala. «Yäyğır» kitaplarında şiğerlär rus, çuwaş, başqort, tatar tellärendä basıla häm bu şuşı dürt teldä icat itüçe, dürt teldä şiğer uquçılar öçen bernindi qarşılıqlar tudırmıy. Moña qädär Bäläbäydäge mädäniät häm milli üseş bäyräme bik uñay tä'sirlär qaldıra ide. Bıyıl, xalıq sanın aluğa äzerlängän aylarda, qayber millät wäkilläre üzläreneñ sanın qärdäşläre xisabına arttırırğa tırışqan çaqta, milli üseşneñ Bäläbäy ürnäge elekkeçä saqlanırmı ikän? Monısın inde «İlham çişmäläre» festivale ütkäç kenä äytep bulaçaq.
XS
SM
MD
LG