İnde xäbär itkänebezçä, tatar ädäbiäte zur yuğaltu kiçerä. 13 martta 75-nçe yäşendä kürenekle prozaik häm dramaturg, xalıq yazuçısı Ayaz Mirsäyet ulı Ğiläcev wafat buldı. Märxümgä tormışnıñ äçesen-töçesen baytaq tatırğa turı kilgän. Çönki ul küp çordaşları belän bergä säyäsi repressiägä duçar bula häm 5 yıl totqınlıqta ğazap çigä. Ayaz Ğiläcev üz ğomerendä ük tulısınça aqlanu şatlığın da kiçerä. Yazuçınıñ dürt distä yıl eçendä icat itkän häm xalıq yaratıp uqığan äsärläre «Öç arşin cir», «Zäy enceläre», «Urtalıqta», «Yazğı qärwannar», «Comğa kön kiç belän», «Ätäç mengän çitengä» häm başqalar tatar ädäbiäteneñ zur qazanışı wä onıtılmas mirası.
15 martta Tatar däwlät akademiä teatrında Ayaz Ğiläcev belän xuşlaşu çarası buldı. Matäm cıyılışında bixisap zıyalılarıbız: yazuçılar, şağirlär, sänğätqärlärebez, säyäsätçelär häm respublika citäkçeläre kilgän ide. Matäm cıyılışın şağir Däwlät Şurası räise urınbasarı Robert Minnullin açtı häm alıp bardı. Prezident Mintimer Şäymiev Ayaz Ğiläcevneñ qatlawlı tormış yulına, anıñ üzençeläkle icatına yuğarı bäyä birde häm şuşı xuşlaşu çarasında mondıy zur şäxeslärneñ istälegen mängelläşterü turında fikerlären äytte.
Äye, tatar yazuçılarınıñ olpatları kitep bara. Kemnär almaşqa kilä häm bezne alda ni kötä? Märxümnär kitä, ä bu qatlawlı sorawlar bezneñ belän qala.
Damir Ğismetdin
15 martta Tatar däwlät akademiä teatrında Ayaz Ğiläcev belän xuşlaşu çarası buldı. Matäm cıyılışında bixisap zıyalılarıbız: yazuçılar, şağirlär, sänğätqärlärebez, säyäsätçelär häm respublika citäkçeläre kilgän ide. Matäm cıyılışın şağir Däwlät Şurası räise urınbasarı Robert Minnullin açtı häm alıp bardı. Prezident Mintimer Şäymiev Ayaz Ğiläcevneñ qatlawlı tormış yulına, anıñ üzençeläkle icatına yuğarı bäyä birde häm şuşı xuşlaşu çarasında mondıy zur şäxeslärneñ istälegen mängelläşterü turında fikerlären äytte.
Äye, tatar yazuçılarınıñ olpatları kitep bara. Kemnär almaşqa kilä häm bezne alda ni kötä? Märxümnär kitä, ä bu qatlawlı sorawlar bezneñ belän qala.
Damir Ğismetdin