Accessibility links

якшәмбе, 4 декабрь 2016, Казан вакыты 03:01

Bötendönya tatar kongressı Başqarma komitetı Rusiä Däwlät Dumasına xat yulladı


Bötendönya tatar kongressı Başqarma komitetı Rusiä Däwlät Dumasına xat yulladı

Sişämbe könne Bötendönya tatar kongressı Başqarma komitetınıñ Rusiä Däülät Dumasına yullanğan xatı turında mäğlüm buldı. Xat Däülät Duması räise Gennadi Seleznev, Dumadağı «Oteçestvo-Vsya Rossiä» häm «Regionı Rossii» fraksiäläreneñ citäkçeläre Vladimir Volodin häm Oleg Morozovqa isemlängän. Tatar kongressı bu möräcägätendä Rusiä telläre qanunına kerteläçäk respublikalarnıñ däülät telläre kirill älifbasında ğına bulırğa tieş digän östämägä küpçelek Rusiä häm çit il tatarları qarşı çığa, dip äytä. Citmäsä, bu östämä Rusiä konstitutsiäseneñ 68-nçe matdäsenä turı kilmi, çönki bu matdä respublikalarğa däülät tellären üzlärenä saylarğa xoquq birä. Millionnan artıq tatar kirill tügel, ä latin imlası räsmi räweştä qullanıla torğan illärdä yäşi. Küpçelek tatarlar kirillnı da belälär, latin xärefläre belän dä tanış, qayberäüläre äle şunıñ östenä gäräp telen dä öyränälär. Alar Rusiä Duması kirillda ğına yazarğa quştı, dip tormıyaçaqlar, älbättä. Ä kiräk çağında aralaşu, uqu, kitaplar yazu häm çığaru öçen üzläre qulay kürgän xäreflärne qullanaçaqlar, dip yazıla älege xatta. Şulay uq anda, Tatarstannıñ saylawçıları ğauğalı östämäne qanunğa kertü niäte belän yörgän respublikadan saylanğan deputatlar Äxmätxanov, Saliy, Şaşurin, Niğmätullinnarnıñ säyer, añlaşılmağan ğämälläre belän rizasızlıq belderälär, diyelgän.
XS
SM
MD
LG