Accessibility links

шимбә, 3 декабрь 2016, Казан вакыты 18:37

Däwlät Şurasınıñ Fän, mäğärif, mädäniät häm milli mäsälälär komissiäse Konstitutsiäneñ 61. maddäsen saqlap qalırğa öndi


Däwlät Şurasınıñ Fän, mäğärif, mädäniät häm milli mäsälälär komissiäse Konstitutsiäneñ 61. maddäsen saqlap qalırğa öndi

Çärşämbe könne www.intertat.ru säxifäsendä Däwlät Şurasınıñ fän, mäğärif, mädäniät häm milli mäs'älälär buyınça daimi komissiäse Tatarstannıñ ğämäldäge Konstitutsiäseneñ 61. maddäsen saqlap qalırğa, digän täqdim kertüe turında xäbär itelä. Älege komissiä utırışında anıñ räise Razil Wäliev 61. maddä gomümxalıq referendum näticäsendä raslandı, şuña kürä deputatlar da, Däwlät Şurası da referendum näticälären üzgärtä almıy, digän fiker äytte.

Tatarstan Konstitutsiäseneñ yaña redaksiäsen gomümxalıq tikşerüe yomğaqları turında räsmi xäbärlärdä törle firqälär, ictimağıy oyışmalar, rayon, şähär xalqınnan 1 meñgä yaqın tözätmälär, täqdimnär kilde, dielä. Täqdimnär arasında qapma-qarşı fikerlär bar. Alar kübesençä, Rusiä belän mönäsäbätlär problemasına qağıla. Qayberäwlär proektqa kübräk suverenitet östäwne taläp itä, ä qayberäwlär bu temanı “gönahınnan başayaq” dip, bötenläy yabıp quyarğa kiräk, dip sanıy.

Täqdim-tözätmälärne tuplawçı eşçe törkem tağın ike kön eşliäçäk. 25 martta Tatarstan Däwlät Şurasınıñ däwlät tözeleşe, cirle üzidarä häm tışqı elemtälär komissiäse utırışında bu eşkä yomğaq yasalaçaq. Tege yäki bu säbäp buyınça tözätmäläre, täqdimnäre ütmägän firqälärgä, oyışmalarğa häm grajdannarğa ayırım-ayırım cawap birü farazlana.
XS
SM
MD
LG