Accessibility links

якшәмбе, 4 декабрь 2016, Казан вакыты 00:47

“Звезда Поволжья”: Mäskäw Tatarstan Konstitutsiäsenä tä'sir itergä tırışa


“Звезда Поволжья”: Mäskäw Tatarstan Konstitutsiäsenä tä'sir itergä tırışa

Şul uq waqıtta Mäskäwdä dä Tatarstan Konstitutsiäseneñ yaña redaksiäse proektın tikşerüne kontroldä totarğa tırışalar, digän ğäyre-räsmi xäbärlär bar. “Звезда Поволжья” gazetası baş möxärrire Räşit Äxmätov yazuınça, Rusiä Prezidentı administratsiäse räise urınbasarı Surkovnıñ Rusiä Däwlät Dumasında respublikalarda kirillitsada ğına uqu-yazu mäcbürilege turında qanunnı 22 martta berençe uqılışta qabul itterügä bik qatğıy kürsätmäse bar ikän. Annarı soñ älege qanunnı qabul itü protsessın beraz totqarlap, respublikanı cir belän kük arasında elep quyıp torırğa niätlilär ikän. Ägär Tatarstan Konstitutsiä mäsäläsendä üzen naçar totsa, yäğni, Mäskäwne bik tıñlap betermäsä, kirillitsa mäcbürilege turındağı qanun tulısınça qabul itelä. Räşit Äxmätov gazetasınıñ här sanında küz kürmägän, qolaq işetmägän farazlar citärlek bula. Alarnıñ kübeseneñ ğomere gazetanıñ çirattağı sanı çıqqançı ğına yäşi. Läkin älege äytelgän farazda çınbarlıqqa turı kilä torğan küreneş bar axrı.
XS
SM
MD
LG