Accessibility links

шимбә, 3 декабрь 2016, Казан вакыты 12:49

Tatar xalıq kompozitorı Mansur Mozafarovnıñ tuuına 100 yıl tuldı


Tatar xalıq kompozitorı Mansur Mozafarovnıñ tuuına 100 yıl tuldı

Tatar xalqınıñ tanılğan kompozitorı Mansur Mozafarovnıñ tuuına 100 yıl tuldı. Mädäniätebez tarixında 35 yıl icat itkän däwerdä älege şäxes tirän ez qaldırdı. Mansur ağa ber uq däräcädä talantlı simfoniälär häm cırlar icat itte. Anıñ «Sayra sanduğaç», «Başqa berni dä kiräkmi», «Tuğan yaq», «Berençe mäxäbbät», «Ciläk cıyğanda» kebek cırların xalqıbız bügen dä yaratıp, moñlanıp başqara.

Tatar muzıkasınıñ qaysı ğına janrın alma, Mansur Mozafarov bu ölkädä yañalıq, üzençälek kertüçe häm anı bayıtuçı kompozitor. Mansur ağa Mozafarovnıñ tügäräk yubileena bağışlap Tuqay muzeenda «Sayra, sanduğaç» isemle kiçä uzdırıldı. Anda tanılğan sänğätqärlärebez, muzıka belgeçläre, cır söyüçelär kilgän ide.

Tatarstannıñ xalıq artistkası, Qırım respublikasınıñ atqazanğan sänğat eşleklese Gölzada Safiullina «Min dä sibelgän tatarnıñ ber ğaziz balası la» digän programma äzerli. Ul Kärim Tinçurin isemendäge Tatar däwlät drama häm komediä teatrında 25 martta uzaçaq.

26 martta biredä Bötendönya törki tatar balaları icat festivalläre laureatları çığış yasıy.

Damir Ğismetdin
XS
SM
MD
LG