Accessibility links

Кайнар хәбәр

Tatarstan delegatsiäseneñ Şvetsiägä säfäre däwam itä


Tatarstan delegatsiäseneñ Şvetsiägä säfäre däwam itä

Şöker, mäğlümat, elemtä tärräqiäte zamanında yäşibez. Tatarstan delegatsiäseneñ Şvetsiägä eşlekle säfäre köne belän genä tügel, sägäte-minutı belän İnternet mäğlümat çaralarında birelep tora. Düşämbe könne Şvetsiäneñ ataqlı Eriсsson şirkätendä bulğanda, www.intertat.ru säxifäsen açıp, delegatsiä üzlären xäzerge säğätlärdä qayda, ni eşläp yörgänen belä alğan, di. Tatar-inform agentlığı da, küräseñ, elektron elemtä çaraların faydalanıp, Tatarstan delegatsiäseneñ vizitı turında köndälek matbuğatta täfsille xäbärlär birä. Şvetsiäneñ “Ericsson” firması, “Scania”, “Volvo” konsernları belän urtaq proektlar, programmalar bulsa da, soñğı yıllarda respublika şirkätläre häm Şvetsiä firmaları arasında xezmättäşlek berniqadär yomşara töşkän.

Tatarstan delegatsiäse belän oçraşu waqıtında Şvetsiäneñ Baltik diñgeze töbäge säwdä häm säyäsät ministrı Leif Pogrotsky, bez säyäsätçelär Şvetsiä häm Rusiäneñ iñ totrıqlı, nıq üskän töbäklärennän berse bulğan Tatarstan arasında säwdä-iqtisadi xezmättäşlekne kiñäytü yulında barlıq totqarlıqlarnı beterergä tieşbez, dip beldergän.
XS
SM
MD
LG