Accessibility links

шимбә, 3 декабрь 2016, Казан вакыты 18:55

Konstitutsiägä kertelgän üzgäreşlärgä berençe näticä


Konstitutsiägä kertelgän üzgäreşlärgä berençe näticä

Tatarstan Konstitutsiäsenä üzgäreşlär häm östämälär kertü turındağı qanun proektın tikşerü tögällänü etabına citte. Düşämbe könne Tatarstan Däwlät Şurasınıñ däwlät tözeleşe, cirle üzidarä häm tışqı elemtälär mäsäläläre komissiä utırışında berençe näticälär yasaldı. Törle oyışmalardan, säyäsi firqälärdän, respublika grajdannarınnan 1242 täqdim häm iskärmä kertelgän. Däwlät Şurasında tözelgän maxsus eş törkeme analizı näticäsendä parlament komissiäse qarawına 1510 tözätmädän torğan cıyılma tablitsa tapşırılğan. Häryaqlı tikşerüdän soñ qabatlana torğan häm qayber süzläre belän genä ayırılıp torğan tözätmälär töşerep qaldırıldı. Tatarstan Konstitutsiäseneñ yaña redaksiäseneñ preambulasınıñ beryulı altı variantı kertele, dip xäbär itä Tatar-inform agentlığı.

27 martta Tatarstan telekanalınıñ kiçke tapşıruında Däwlät Şurası räise Färit Möxämmätşin turı efir waqıtında tamaşaçılar sorawlarına cawap biräçäk. 28 martta isä Färit Möxämmätşin irtä belän Tatarstan radiosında turı efirda şulay uq Konstitutsiägä üzgäreşlär häm östämälär turında sorawlarğa cawap biräçäk. Räsmi xäbärlärdä Däwlät Şurasınıñ 11. plenar sessiäseneñ eşe 2002 yılnıñ 29 martında Qazanda Däwlät Şurası utırışlar zalında başlana, dip iğlan itelde. Bu utırışta Tatarstan Konstitutsiäsenä üzgäreşlär häm östämälär turında qanun proektı ikençe uqılışta tikşereläçäk.
XS
SM
MD
LG