Accessibility links

“Altın qäläm” festivale başlandı


“Altın qäläm” festivale başlandı

Bu atnada ütkärelä torğan mädäni çaralarnıñ kübese mäktäp balalarınıñ yazğı yalları belän bäyle. Düşämbe könne Jurnalistlar yortında 7. balalar, yäşüsmerlär häm yäşlär matbuğatınıñ “Altın qäläm” festivale açıluı iğlan itelde. Bıyıl ul töbäkara itterep ütkärelä. Festival'dä yäş jurnalistlarğa yärdäm itü täcribäse belän Tatarstan kürşe Çuwaşstan, Başqortostan häm Yekaterinburg belän dä urtaqlaşaçaq, dielä Tatar-inform xäbärendä. Mäğlüm bulğança, “Altın qäläm” festivale berniçä etapta ütkärelä. Başta rayonnarda häm şähärlärdä, annarı soñ respublika däräcäsendä, şunnan soñ cäy köne “Boris Polevoy” köymäsendä “Altın qäläm” bülägenä konkurs ütkäreläçäk.

Kanikullar qısalarında öçençe respublika xor festivale, balalarnıñ teatr kollektivları festivale, ğailä bäyräme, törle fännär buyınça şähärküläm olimpiadalar ütkäreläçäk. Şuşı könnärdä Qazanda Rusiä şähärläre balalar xoreografiä törkemnäreneñ “Yazğı böterçeklär” digän ikençe festival-bäyge uzaçaq. Ul Rusiä häm Tatarstan xalıqlarınıñ milli xoreografiä sänğäte traditsiälären saqlaw häm üsterü, Qazannıñ 1000 yıllığına äzerlek qısalarında törkemnärneñ sänğät däräcäsen häm başqaru ostalığın kütärü maqsatında ütkärelä.
XS
SM
MD
LG