Accessibility links

шимбә, 10 декабрь 2016, Казан вакыты 02:15

1 aprildän kommunal' xezmät öçen tüläw arta


1 aprildän kommunal' xezmät öçen tüläw arta

Rusiädä küp söylänä torğan, läkin şuşı köngä qädär ällä ni zur näticälär birmägän toraq-kommunal' xezmäteneñ reforması bara. Tatarstan da bu ölkädä çittä qala almıy inde, älbättä. Berençe itep, eşne ğädättägeçä bäyälärne arttırudan başlarğa buldılar. Şuşı yılnıñ 1 aprelennän tatarstanlılar toraq-kommunal' xezmäte öçen kübräk tüli başlıyaçaq. Bu xaqta Ministrlar Kabinetında uzğan matbuğat oçraşuında respublikanıñ tözeleş häm toraq-kommunal' xucalığı ministrı Marat Xösnullin xäbär itte. Ministr süzlärenä qarağanda, toraq-kommunal' xucalıq ğomer buyı dotatsiäle tarmaq bulıp kilde. Şuña da qaramastan, menä inde ike yıl alar ber märtäbä dä bäyälärne kütärmiçä, barlıq çığımnarnı da üzläre qaplap kilgännär. Xäzer isä, bäyälärne arttırmıyça berniçek tä bulmıy ikän, çönki kommunal' xucalıq xezmäte krizis çorın kiçerä. Oçraşuda äytelgänçä, xäzerge waqıtta Tatarstanda xalıq kommunal' çığımnarnıñ 58 protsentın ğına tüli. Ä menä Rusiä buyınça bu san inde 80-90 protsentqa citep kilä ikän. 1 aprildän soñ tatarstanlılar da kommunal' çığımnarnıñ 70 protsentın üz kesälärennän qaplıy başlıy. Qalğanın älegä xökümät östiäçäk. Räsmi mäğlümätlärgä qarağanda, bäyälärne arttırğaç här toraq iäsenä xäzerge köngä qarağanda 5-10 protsentqa kübräk aqça tülärgä turı kiläçäk. Çınlıqta isä niçek kilep çıqqanın älegä äytüwe qıyın, monı inde waqıt qına kürsätäçäk.
XS
SM
MD
LG