Accessibility links

шимбә, 10 декабрь 2016, Казан вакыты 21:26

Tatar telen kemnär öyränä?


Tatar telen kemnär öyränä?

Rusiä xökümäte başqa xalıqlar tellärenä ällä ni zur xörmät belän qaramasa da, rus tele yazmışı öçen qayğırtırğa onıtmıy. Menä küptän tügel genä bilgele bulğança, Rusiä xökümäte qarşındağı rus tele buyınça sovetta may ayında yaña qanun proektı tikşereläçäk. Rusiä mäğärif ministrı Vladimir Filippov süzlärenä qarağanda, bu qanunda rus telen döres qullanmağan oçraqlarda keşelärgä häm mäğlümät çaralarına caza birü mömkinlege dä qaralaçaq. Döres söylämiseñ yäki yazmıysıñ ikän, cazasın al. Ä menä tatar telen döres tügel itep yäki bötenläy qullanmağan oçraqta da älegä bernindi dä caza qaralmağan. Xäyer, respublikada da tatar telen yaklaw buyınça qayber çaralar kürelä. Şularnıñ berse — tatar telen belgän öçen keşeneñ xezmät xaqına küpmeder külämdä aqça östäp tüläw. Şunıñ öçen qayber tatar millätennän bulmağan keşelär dä respublikanıñ däwlät tele bulğan tatar telen öyränergä tırışalar. 28 martta Qazannıñ İbrahimov uramında 71 yortta urnaşqan 207 balalar baqçasında tatar telennän imtixan bulaçaq. Bu imtixannı balalar baqçası mödire häm tärbiäçe bulıp eşläwçe rus millätle 14 keşe abruylı komissiägä biräçäk. Telägändä, tatar telen öyränep bulu mömkinlege dä şunda kürenergä tieş. Bu üzençälekle imtixannı kürergä «Älif» tatar tele dusları cämğıäte aktivistları da barırğa cıyına. İmtixannı yaxşı tapşıruçılarğa «Älif» cämğıäte isemennän suvenirlar, büläklär da bireläçäk ikän.
XS
SM
MD
LG