Accessibility links

чәршәмбе, 7 декабрь 2016, Казан вакыты 13:35

1 aprildän Qazanda toraq-kommunal' xezmät bäyäläre 5 - 10 % arta


1 aprildän Qazanda toraq-kommunal' xezmät bäyäläre 5 - 10 % arta

Berniçä könnän 1 april kilep citä. Xikmätle kön ul — kölke bäyräme. 1 aprilne “aldarlar köne” dip tä yörtälär. Bu yulı bezneñ xökümät tä älege bäyrämgä üz öleşen kertte buğay. “Kölkedän yılawğa ber adım” diep bulsa kiräk, 1 aprildän toraq häm kommunal' xezmät bäyäläre 5 - 10 % kütäreläçäk. Bolay da ay sayın bäya kütärep torğan xaqimiät reformalarnıñ tik ber yulın ğına yaxşı üzläşterde axrısı. Tağın şunısı açunı qabarta: bäyäne kütärü berniçek tä toraq-kommunal' ölkäsendä başqarılğan xezmätneñ sıyfatı belän bäyle tügel. Şul uq pıçraq, remontlanmagan, qarañğı podyezdlar, şaqşı öy alları, ayaq astı tulı suqbaylar, etlär, mäçelär.

Äle citmäsä, bu arada yortta yäşäwçelärgä anketalar kiterälär. Alarnı uqıysıñ da ni yılarğa, ni kölergä belmiseñ. Anketa tözüçelär mısqıl itkän kebek sorıylar: «Sez fälän-fälän DEZnıñ» eşe belän qanäğätme», «podyezdlarıgız çistamı» h.b. monısı inde anketa avtorları ayda bulmasa da Rusiädä yäşämilär axrısı, digän fiker tudıra.

Şulay da 1 aprel' belän cämäğät! Yışraq yılmayığız. Şulay yäşärgä ciñeleräk ul. Uramda yaz. Ozaqlamıy cäy. Dimäk, daçalarğa barıp beraz bulsa da mäşäqätlärdän onıtılıp torırğa bula.

Damir Ğismetdin
XS
SM
MD
LG