Şimbä könne Tatarstan Däwlät Şurasınıñ 11. plenar sessiäse üz eşen däwam itterde. Konstitutsiägä tözätmälärne ikençe uqılışta qabul ittelär. Barlığı 514 tözätmäneñ 126-sı Däwlät Şurasınıñ cirle üzidarä häm däwlät tözeleşe komissiäse tarafınnan xuplanğan, 186-se kire qağuğa täqdim itelgän, 102-sen avtorlar kire çaqırtıp alğan. Däwlät Şurasında tözätülärne iğlan itü häm töymälärgä basıp, tawış birü irtädän kiçkä qadär bara. Xäzer inde Tatarstan Rusiä belän assotsiäläşterelgän suveren däwlät tügel, ä Rusiäneñ tulı xoquqlı subyektı. Möstäqillek, respublika zakonnarınıñ östenlege, grajdanlıq töşençeläre Rusiäneñ Prezident administratsiäse, Konstitutsiäse mäxqämäse häm prokuraturası taläbe buyınça respublika Konstitutsiäsennän alıp taşlana. Qayber oçraqlarda niqädär genä Mäskäw süzen tıñlarğa tırışsañ da, tıñlap bulmıy. Şuña kürä tözätmälär kertü häm Konstitutsiä tiräsendä bäxäslär, däğwalar mäxqämälär däwam itä.
Tatarstannıñ mänfäğäten yaqlağan milli üzañı yuğarı bulğan cämäğätçelek wäkilläre bu könnärdä awır xislär kiçerä. Qazannıñ Därwişlär bistäsendä yäşäwçe Ğäbdelbar äfände düşämbe irtäsendä “Azatlıq” radiosınıñ Qazan bürosına şaltırattı. Ul “Azatlıq”nıñ yäkşämbe tapşıruları ozın dulqınnar aşa retranslyatsiälänmäügä borçılğan, ä Tatarstan Konstitutsiäseneñ üzgärtelüe anı bigräk tä xafağa salğan.
Zamanında 1936 yılda qabul itelgän SSSR Konstitutsiäsen zur xörmät belän Stalin Konstitutsiäse dip yörtkännär. Şul Konstitutsiäneñ şäwläse ber ük variantta barlıq soyuzdaş respublikalarğa, ä keçeräytelgäne avtonomiäle respublikalarğa cibärelgän ide. Sovet zamannarında Konstitutsiäne tikşermiçä genä, berniçä minut eçendä qabul itkännär. Töbäklärgä, respublikalarğa wäqälätlär kiräk bulmağan. Xäzer töbäklärneñ, respublikalarnıñ teläkläre açıq itep äytelsä dä, alar belän sanlaşıp toru yuq. Mäskäwdän cibärelgän kürsätmä-qararlarnı parlamentta östäl suğıp ütkärüçe Aleksandr Ştanin kebek deputatlar, bu xaqta mäqälälär bastıruçı mäğlümät çaraları bar. Şuña kürä xäzerge Konstitutsiäne, demokratik şartlarda qabul itelgän töp qanunnı “Ştanin Konstitutsiäse” dip yörtälär. Şimbä töştän soñ Däwlät Şurası eşendä tänäfes iğlan itelde, sişämbe häm çärşämbe könnärendä tikşerelmägän 50-dän artıq tözätü Däwlät Şurasında qaralaçaq. Käyeflär kütärenke tügel, ämma tormış xäzer şundıyraq.
Tatarstannıñ mänfäğäten yaqlağan milli üzañı yuğarı bulğan cämäğätçelek wäkilläre bu könnärdä awır xislär kiçerä. Qazannıñ Därwişlär bistäsendä yäşäwçe Ğäbdelbar äfände düşämbe irtäsendä “Azatlıq” radiosınıñ Qazan bürosına şaltırattı. Ul “Azatlıq”nıñ yäkşämbe tapşıruları ozın dulqınnar aşa retranslyatsiälänmäügä borçılğan, ä Tatarstan Konstitutsiäseneñ üzgärtelüe anı bigräk tä xafağa salğan.
Zamanında 1936 yılda qabul itelgän SSSR Konstitutsiäsen zur xörmät belän Stalin Konstitutsiäse dip yörtkännär. Şul Konstitutsiäneñ şäwläse ber ük variantta barlıq soyuzdaş respublikalarğa, ä keçeräytelgäne avtonomiäle respublikalarğa cibärelgän ide. Sovet zamannarında Konstitutsiäne tikşermiçä genä, berniçä minut eçendä qabul itkännär. Töbäklärgä, respublikalarğa wäqälätlär kiräk bulmağan. Xäzer töbäklärneñ, respublikalarnıñ teläkläre açıq itep äytelsä dä, alar belän sanlaşıp toru yuq. Mäskäwdän cibärelgän kürsätmä-qararlarnı parlamentta östäl suğıp ütkärüçe Aleksandr Ştanin kebek deputatlar, bu xaqta mäqälälär bastıruçı mäğlümät çaraları bar. Şuña kürä xäzerge Konstitutsiäne, demokratik şartlarda qabul itelgän töp qanunnı “Ştanin Konstitutsiäse” dip yörtälär. Şimbä töştän soñ Däwlät Şurası eşendä tänäfes iğlan itelde, sişämbe häm çärşämbe könnärendä tikşerelmägän 50-dän artıq tözätü Däwlät Şurasında qaralaçaq. Käyeflär kütärenke tügel, ämma tormış xäzer şundıyraq.