Accessibility links

шимбә, 10 декабрь 2016, Казан вакыты 17:40

“Aq Bars” finalğa çıqtı


“Aq Bars” finalğa çıqtı

Tatarstanda bötenläy şatlanmıylar disäñ, döres bulmas. Xokkey, boz östendä alqa suğu buyınça Rusiä çempionatında finalğa “Aq Bars” komandası çıqtı. Tatarstan gerbın kükrägendä yörtkän şuşı komanda xäzergä tatarlarnıñ berdän-ber yuanıçı. Yarımfinalda qazanlılar Omskinıñ “Avangard” komandası belän uynadılar. Qazanda uynağanda, ike tapqır “Aq Bars” ciñde. Omskida ütkän uyınnarnıñ ikesen dä “Avangard” köçleräk ütkärep, Qazan komandasın ciñde. Uzgan şimbädä Qazanda soñğı uyın buldı. Bu könne stadionğa baruçılar häm bigräk tä öydä televizor aşa xokkey qarawçılar bik küp araqı yäki yöräk daruı eçkän, dilär. Çönki Qazandağı uyın ciñüçene tiz genä bilgeli almadı. “Aq Bars” 2:0 xisabı belän alda barğannan soñ tiz genä ike şayba kertterde. Uyın tämämlanğaç, östämä 10 minutlıq periodta xisap 2:2 bulıp qaldı. Ber yalğış kergän tup ber komandanı finalğa ütkärep, ikençesen asqa tägärätä ide. Soñınnan biş bullit suğıp, uynawçı Yan Bende Omski qapqaçınıñ ciñä aldı. “Aq Bars” finalda, dimäk, iñ kimendä kömeş medal' yawladı. Däwlät möstäqillege urınına xokkey yarışında ciñülär respublikanı qänäğätländererme, yuqmı, dip tel çarlarğa ğına qala.
XS
SM
MD
LG