Accessibility links

сишәмбе, 6 декабрь 2016, Казан вакыты 15:20

Tatarstan konstitutsiäsenä tözätmälär turındağı qanun ikençe uqılşta qabul itelde


Tatarstan konstitutsiäsenä tözätmälär turındağı qanun ikençe uqılşta qabul itelde

Däwlät Şurasınıñ çärşämbe utırışnda hönäri berleklär küp tapqır kütärep çıqqan mäsälä - bu oyışmağa da Däwlät Şurasına qanun proektların täqdim itü xoquqın birü turındağı tözätmä - qabat qaraldı. Deputat İndus Tahirov, bu xoquq böten dönya tatar kongressına da birelergä tieş dip çığış yasasa da, ul ütmäde. Qanun täqdim itü xoquqı hönäri berleklärgä genä birelde.

Tatar telendä uqırğa xoquq birü häm anıñ garantiäläre turındağı tözätmä dä bäxäslär kiterep çığardı. Bu mäsälä ber tapqır inde qaralğan bulgan häm yañadan redaksion komissiägä tapşırlıp, çärşämbe könge plenar utırışqa qabat tikşerelde. Däwlät Şurasınıñ milli mäsälälär komissiäse räise Razil Väliev, deputat, yazuçılar berlege räise Foat Ğalimullin qatnaşında bäxäslärdän soñ “ike däwlät telen qullanu häm belem alu xuquqı garantiälänä” digän cömlä qabul itelde.

Tagın qup sanlı tözätmälärne tikşerğännän soñ, Tatarstan konstitusiäsenä tözätülär turındağı qanun ikençe uqılışta qabul itelde. XI plenar utırış tänäfestän soñ däwam itäçäk.
XS
SM
MD
LG