Accessibility links

шимбә, 10 декабрь 2016, Казан вакыты 08:07

Tatarstan xökümäteneñ kiñäytelgän utırışında narkomaniägä qarşı köräş mäsäläläre qaraldı


Tatarstan xökümäteneñ kiñäytelgän utırışında narkomaniägä qarşı köräş mäsäläläre qaraldı

Tatarstanda soñğı ike yıl eçendä narkomaniägä qarşı köräş kiñ cäyelderelde. Säbäbe dä bar – biredä könyaq illärennän Mäskäw häm Yevropağa yullar ütä. İke törle dönya çigendäge İdelbuyı töbäge zamança sotsial' bälälär üzägendä. Şuña kürä, Tatarstanda narkotiklarğa qarşı toru öçen maxsus programma tözelgän ide. Mintimer Şäymiev citäkçelegendäge iminlek şurasınıñ berniçä utırışı şuşı mäsälägä bağışlandı. Narkomaniägä qarşı köräşne oyıştıru öçen 105 million sum aqça sarıf itelde. Beraz alğa kiteş tä kürenä. Narkotiklarğa bäyle cinayätlärneñ sanı kimi töşte. Awıruçılar sanı başqa töbäklärgä qarata tübänräk. Şulay da, Tatarstanda 7 meñgä yaqın narkoman räsmi räweştä terkälep, meditsina yärdämen ala. Ä ğayre räsmi sannarğa qarağanda, açıqtan-açıq terkälmiçä “enädä utıruçılar” 10-15 tapqır artığraq ikän. Dimäk, respublikada narkomannar sanı 100 meñnän dä artıp kitä. Bu qurqınıç bälä belän köräş çaraları Tatarstan xökümäteneñ kiñäytelgän utırışında düşämbe könne töştän soñ tikşerelde. Bu utırışta Mintimer Şäymievneñ qatnaşuı häm anda barlıq ministrlıqlar, şähär häm rayon administratsiä wäkilläreneñ çaqırıluı Tatarstanda narkomaniägä qarşı zur cixad başlanuın kürsätä.
XS
SM
MD
LG