Accessibility links

“Azatlıq” radiosınıñ daimi tıñlawçısı Zöfär Näfiqov tapşırular turında fikerlären citkerä


“Azatlıq” radiosınıñ daimi tıñlawçısı Zöfär Näfiqov tapşırular turında fikerlären citkerä

Allağa şöker, soñğı 4 köndä “Azatlıq” radiosı tapşıruları “Tatarstan” radiokanalı aşa üz waqıtında retranslyatsiälänä. Daimi tıñlawçılar quanıp, Qazan bürosına şaltırata başladı. Qaywaqıtta, ayırım tapşırularğa, ğomümän, radionıñ eşçänlegenä uñay yäki tiskäre bäya birelä. Beräwlär radio yomşaq häm saq söyli disä, ikençelär, artıq qızdırıp cibärmäskä, tatarlar küz teräp torğan Qazannı xurlap, anıñ abruyın töşermäskä kiñäş birä. Berwaqıtta da “Azatlıq” radiosı tege yäki bu tarafnıñ şäxsi häm törkem mänfäğätlären yaqlamadı. Qazanda yäşäwçe Zöfär abıy Näfiqov yış qına büroğa şaltıratıp üzeneñ fikerlären äytä, tänqit tä işetterä. Bu düşämbedä Zöfär abıy Qazan bürosına kilep kerde. Ul Älmättä neft'çelär oyışmasında eşlägän, annarı Qazanğa küçkän, üze injener bulsa da tuğan telebezne tiränten belüçe, milli ruxlı şäxes bulıp çıqtı. Zöfär Näfiqov “Azatlıq” radiosınıñ eşçänlegen uñay bäyäläp, Qazan şähäreneñ ber uramına “Azatlıq” radiosı isemen quşarğa täqdim itä. Daimi radiotıñlawçıbız Zöfär abıy Näfiqov könbatış Başqortostanda – Çatmağışta, İleştä, Dürtöyle häm başqa rayonnarda tatarlaşqan başqortlar yäşi digän yalğış fikerne qabat-qabat söyläp torıp ta, moña al'ternativ bulğan fänni häm obyektiv mäğlümatlärneñ siräk işetelüenä riza tügel.
XS
SM
MD
LG