Äfğanstan talibları arasında 3 tatar buluı Rusiä xalqın şaqqatırdı

Zöfär abıy Näfiqov häm başqa tıñlawçılar millätneñ xälen, yäşäyeşen, zıyalılarnıñ konkret ğämällären belergä telilär. Soñğı könnärdä Äfğanstanda taliblar arasında qulğa alınğan tatarlar Rusiäneñ barlıq televideniä kanallarında, gäcitlärendä üzäk urınnı aldı. Rawil Ğömärov häm Almaz Şäripovnıñ tatar buluı härwaqıt zur basım belän äytelde. Rudol'f Nuriev, Wäğiz Xidiätullin, Ruslan Niğmätullin, Marat Safin, Nikolay Xäbibullin kebek bilgele keşelärneñ milläten berwaqıtta da kürsätmiçä rus sportçısı yäki artistı dip kenä atıylar. Rusiädäge 5-6 million tatar arasında berniçä möselman fanatiğı buluı hiç gäcäp tügel. Yözlärçä urıs Serbiägä barıp, slavyan qärdäşlärenä yärdäm yözennän suğışlarda qatnaşıp, andağı möselmannarnı qorıp yörüläre berkemne dä gäcäpländermägän ide. Äfğanstanda tabılğan tağın ber Çallı yegete turında da mäğlüm buldı. Ayrat Vaxitov Çallı dini oyışması aktivistlarınıñ berse bulğan. Äfğanstanda taliblar anı FSB xezmätkäre dip şiklänep, qıynağannar häm zindanğa salğannar. Xäzer ul irekkä çığarılğan häm Çallıda yäşäwçe änisenä şaltıratqan. Tatar başları qayda ğına barıp çıqmas!