Accessibility links

якшәмбе, 11 декабрь 2016, Казан вакыты 09:03

Tatarstannıñ Yuğarı mäxqämäse RiZ xäräkäteneñ şiqäyäten qaradı


Tatarstannıñ Yuğarı mäxqämäse RiZ xäräkäteneñ şiqäyäten qaradı

Säyäsi temağa qağılışlı tağın ber waqiğa düşämbe könne Qazanda Tatarstannıñ Yuğarı mäxqämäsendä buldı. Biredä “Равноправие и законность'” xäräkäte wäkilläre İldus Soltanov, Mäsxüd Xafizov häm Däwlät Şurası deputatı Aleksandr Ştaninnıñ Tatarstan Prezidentınıñ häm Däwlät Şurasınıñ “2000 yılda respublika büdjetı ütälü turında” qanun proektına qarata xoquqıy bulmağan eşlärenä şiqäyäte tikşerelde. Şiqäyättä respublika qanunı federal' qanunçılıqqa qarşılıqlı, dielä. Şulay uq älege qanun proektın qabul itü protsessı da döres başqarılmağan. Şiqäyätçelär fikerençä, älege qanun proektın Däwlät Şurasına Tatarstan Prezidentı kertergä tieş bulğan. Läkin monı nigäder Ministrlar Kabinetı başqarğan. Şulay uq 2000 yılğa büdjetta barı tik öç kenä san kiterelgän bulğan: keremnär, çığımnar häm profitsit. Älege şiqäyät berençe tapqır Yuğarı mäxmädä uzğan yılnıñ cäyendä ük qaralğan häm kire qağılğan ide, şunnan soñ ul ike tapqır Rusiäneñ Yuğarı mäxqämäsendä häm ber tapqır Tatarstan Yuğarı mäqkämäsendä tikşerelgän. Mäxkämälär barışında şiqäyät ikegä bülengän – zakonğa qarata häm Prezidentnıñ, Däwlät Şurasınıñ xoquqıy bulmağan eşlärenä. Bıyılnıñ fevralendä Tatarstan Yuğarı mäxkämäse Ştaninnıñ häm RiZ wäkilläreneñ berençe mäsälädä, yäğni 2000 yılğa byudjet ütäleşe qanun proektına qarata xaqlığın tanığan. Şiqäyätneñ ikençe öleşe Qazannıñ Vaxitov rayon mäxkämäsenä cibärelgän. Rayon mäxkämäse bu bez xäl itä torğan şiqäyät tügel, digän qarar çığarğan. Şiqäyät itüçelär yañadan Tatarstannıñ Yuğarı mäxqämäsenä kassatsion şiqäyät birgännär. Düşämbe könne Tatarstan Yuğarı mäxqämäse eşne Vaxitov rayon mäxqämäsenä kire qaytarğan.
XS
SM
MD
LG