Accessibility links

Кайнар хәбәр

Helsinkida “Qazan könnäre”


Helsinkida “Qazan könnäre”

10 april könne Finländiä başqalası Helsinki şähärendä «Qazan könnäre» başlandı. Alar 12 aprilgä qädär däwam itäçäk. İnde xäbär itkänebezçä, Helsinkida ütäçäk bu könnär Qazannıñ meñ yıllığına bağışlanğan. Şuşı çaralarda qatnaşu öçen Tatarstannan Finländiägä 65 keşelek delegatsiä kitte. Alar arasında respublika xaqimiäte häm şähär administratsiäse wäkilläre, eşmäkärlär, jurnalistlar, törle şirkät citäkçeläre, respublikanıñ sänğät ostaları. Çärşämbe könne Tatarstan delegatsiäse tügäräk östäl artında Finländiäneñ tatar diasporası häm eşlekle dairäläre belän urtaq investitsiä proektları turında fiker alıştı. Xökümätara komissiä qısalarında tatar-fin eş törkeme xezmättäşlek sorawlarına qağılışlı utırış ta ütkärde. 11-12 aprildä Rusiäneñ fän häm mädäniät üzägendä ike kürgäzmä eşliäçäk. Anıñ berse — «Qazanğa 1000 yıl. Mädäniät tarixı. Traditsiälär» dip atala. Ul finnarnı Qazan tarixı, tatarlarnıñ mädäniäte, traditsiäläre belän tanıştıraçaq. Anda qunaqlar «Qazan» milli mädäniät üzäge häm Tatarstannıñ däwlät muzee eksponatların kürä alaçaqlar. İkençe kürgäzmä Tatarstan başqalasınıñ sänäğät şirkätlärenä bağışlanğan. Anda Qazannıñ 15 şirkäte üz produksiäsen täqdim itäçäk. «Qazan könnäre» qısalarında Helsinkida Tatarstannıñ sänğät ostaları qatnaşlığında konsertlar da uzaçaq, dip xäbär itä İntertat.ru säxifäse.
XS
SM
MD
LG