Accessibility links

шимбә, 3 декабрь 2016, Казан вакыты 12:36

Çallıda latinğa qarşı Duma deputatı Sälimxan Äxmätxanovnı deputatlıqtan alırğa cıyınalar


Çallıda latinğa qarşı Duma deputatı Sälimxan Äxmätxanovnı deputatlıqtan alırğa cıyınalar

Tatarstanda latin grafikasına qaytu turında şaqtıy küp söylänsä dä, ğämäldä bu ölkädä ällä ni zur eşlär başqarılmıy. Bigräk tä däwlät oyışmalarında. Läkin menä şuşı arada ğına respublikanıñ Elemtä ministrlığınıñ ber täqdime turında mäğlüm buldı. «Tatarstan xalıqları telläre turında»ğı qanunnı ğämälgä aşıru häm latin imlasın torğızu proektların finanslaw şuşı ministrlıq tarafınnan bireläçäk grant nigezendä dä başqarılaçaq ikän. Äytelgän qanunnı tormışqa aşıruda jurnalistlarnıñ da şaqtıy ğına zur öleşen iskä alıp, elemtäçelär massaküläm mäğlümät çaraları häm avtorlar arasında älege temağa iñ yaxşı yazmalarğa bäyge iğlan itte. Bälki bu ğämäl Tatarstanda tatar teleneñ qullanışın arttırırğa häm anı latinğa qaytaruğa tağın ber etärgeç bulır.

Latinğa qağılışlı tağın ber xäbär. Çallıda Rusiä Däwlät Duması deputatı Sälimxan Äxmätxanovnı deputatlıqtan kire çaqırtırğa niätlilär ikän. Monıñ öçen inde imzalar da cıya başlağannar. Bu çaranıñ säbäbe — Tatarstannan saylanğan deputatnıñ tatar teleneñ latin imlasına qaytuwına qarşı çığuı. Şuşı uñaydan respublikada urıs telendä çığa torğan ber gäcittä Sälimxan äfändeneñ «Rossiykaya gazeta»ğa birgän äñgämäse urnaştırılğan. Anda deputat tatar telen latinğa qaytaru turında fikere üzgärmägänen xäbär itä. Çallılılarnıñ niäte dä barıp çıqmas, dip sanıy ul. Çönki respublikada yäşäüçelärneñ yartısın urıslar täşkil itä. Ä alarğa latin kiräkmi. Xäyer, tatarlar üzläre dä latin imlasına qarşı, dip uylıy Sälimxan Äxmätxanov. Citmäsä, anıñ fikerençä, bu ğämäl bik zur çığımnar da täläp itä ikän. Latinnı yaqın kürgän keşelärneñ aqçaları alay küp bulsa, alarnı balalarnı çit illär tellärenä öyrätügä totarğa kiräk, di Äxmätxanov üzeneñ äñgämäsendä. Latin imlasına küçkäç şul uq balalarğa çit tellärne öyränäse dä ciñelräk bulasın añlap citkermi buğay Rusiä Däwlät Duması deputatı Äxmätxanov.
XS
SM
MD
LG