Accessibility links

шимбә, 3 декабрь 2016, Казан вакыты 01:35

Helsinkida Qazan könnäre uñışlı bara


Helsinkida Qazan könnäre uñışlı bara

Tatarstan matbuğatında pänceşämbe könne dönya kürgän xäbärlärdä berençe urında Finlandiädä barğan Qazan könnäre. Helsinkida Rusiäneñ Fän häm mädäniät üzägendä Qazan könnären açu tantanası zurlap uzdırılğan. Anda, Finlandiädä yäşäwçe millättäşlärebez, xakimiät wäkilläre häm ğomumän, Helsinki keşeläre küpläp cıyılğannar. Helsinki merı urınbasarı Hannu Björkman güzäl kürgäzmä öçen räxmät beldergän häm Qazan belän Helsinkinı mädäniät berläşterä, digän. Ul Qazan Kremleneñ häm Helsinki qälğasın UNESCOnıñ bötendönya mirası isemlegenä kerüen iskä alğan. Tatarstan sänğät ostalarınıñ, Däwlät cır häm biyü ansamble çığışları da zur uñış qazanğan. Helsinkida “Qazannğa 1000 yıl. Tarix. Mädäniät. Ğoref-ğadätlär” häm “Qazannıñ sänäğät şirkätläre. Tawarlar. Täqdimnär. Kiräk-yaraqlar” digän kürgäzmälär eşli. Älege kürgäzmälärdä Qazan rässamnarınıñ räsemnäre, Qazan milli-mädäni üzäge muzee häm “Turan” waqıfınnan eksponatlar quyılğan. Şulay uq Qazannıñ äydäp baruçı şirkätläre towarları da kürsätelä. Helsinkida şulay uq fin tatarları wäkilläre belän oçraşular häm Finlandiäneñ eşlekle dairälär wäkilläre belän “tügäräk östäl”lär ütkärü bulaçaq, dip xäbär itelä räsmi xäbärdä.
XS
SM
MD
LG