Accessibility links

җомга, 9 декабрь 2016, Казан вакыты 03:13

Bötendönya Tatar Kongressı milli liderlar belän kiñäşä


Bötendönya Tatar Kongressı milli liderlar belän kiñäşä

12 aprildä Bötendönya Tatar Kongressı binasında Rusiä töbäklärennän 20 milli-mädäni avtonomiä citäkçeläre zur kiñäşmä uzdırdılar. Qazan älege avtonomiälär belän daimi elemtädä tora häm mömkin xätle yärdäm kürsätergä tırışa. Elek bağlanışlar, nigezdä, milli-mädäni ölkädä alıp barılsa, soñğı yıllarda tatar eşmäkärläre biznesların canlandıra başladı. Rusiäneñ 18 töbägendä «Tatarstan» säwdä yortları açılğan. Alar ber-berläre belän satıp-alu eşlären caylap kilälär.

Kiñäşmädä nigezdä ike mäsälä qaraldı. Berençese älege dä bayağı xalıq sanın isäpkä alu kampaniäsendä qatnaşu, ikençese Bötendönya tatar kongressınıñ çirattağı qorıltayın uzdıru. İke mäsälä dä bik citdi, läkin san alu buyınça fiker alışu şaqtıy qızu buldı. Älege çarada Tatarstan Prezidentı apparatı citäkçese Äqzam Ğöbäydullin da qatnaştı.

Kiñäşmädä yañğırağan ike çığıştan özeklär: Samaradan Azat Nadirov: “Xätta tatarça belmägän tatar keşeläre dä üzlären tatar dip yazdırırğa tieş.”

Ğalim Damir İsxakov: “Bu etapta Mäskäw bezneñ täqdimnärne isäpkä aldı. Xalıq sanın alu mäsäläsen III Bötendönya Tatar Kongressında qararğa kiräk. Bigräk tä, ägär dä federal' xaqimiät Kongressqa qädär bu problemanı uñay xäl itmäsä.”
XS
SM
MD
LG