Soñğı arada zamanında tuqtatılğan TatAES, yäğni atom stansiäse tözeleşen däwam itäçäklär, digän borçulı xäbärlär matbuğatta häm cämäğätçelektä yöri. Mäskäwdäge atom ministrlığı çınnan da bu xaqta xıyallanıp qına tügel, qayber eşlär dä başqarğan ikän inde. Xäzer şul ministrlıqtan kilgän belgeçlär Kama Alanında konservatsiälängän atom stansiäse obyektların tikşerep yöri ikän. Gärçä, ğalimnär bu stansiä öçen urınnı geologik yaqtan şaqtıy qurqınıçın saylağannar dip, täqrarlap torsalar da.
Comğa irtäsendä «Svoboda» Radiosı Çiläbe ölkäsendäge «Маяк» zavodında qaza turında bik borçulı tapşıru oyıştırğan ide. Distälärçä yıl elek bulğan şartlawdan soñ şul tirädä urnaşqan tatar awılları qotoçqıç xäldä qalğan. Alarnı küçerügä aqça birelmägän, keşelär radiatsiä awırularınnan integälär, imgäk balalar tua. Xäyerçelek arqasında biçaralar xätta Çiläbegä bara almıylar, mäxkämä masrafların tülärgä bötenläy mömkinlekläre yuq. Qısqası, däwlät bu keşelärne äçe yazmış qulına taşlağan.
Ni qızğanıç, bezneñ cämäğätçelek tä, ä inde räsmi dairälär turında äytäse dä yuq, älege faciğağa tieşle iğtibar kürsätmi. Ä bit yış qına millätneñ yazmışı turında laf orabız, ä ul konkret ğämällärdän torğanın onıtabız.
Rusiädäge atom stansiälären ni däräcädä ışanıçlı ikäne yaxşı mäğlüm. Äle tözelgännäreneñ räxäten kürüçelär yuq, ä inde yaña stansiälar, yäğni minalar, şartlatqıçlar salırğa niätlänälär. Ägär dä atom stansiäläre keşelärgä xäwefsez urınnarda tözelsä häm kiläçäktä alarnıñ sälämätlegenä zarar kitermäw garantiälänsä, bu ber xäl, ä inde başqa oçraqlarda cämäğätçelek çañ suğarğa tiyış. Çönki tüşäk östendä radiatsiädän ülep yatqan keşelärgä latin alfavitı da, tatar tele dä, xalıq sanın alu da qısır qayğı bulıp kürenä.
Damir Ğismetdin
Comğa irtäsendä «Svoboda» Radiosı Çiläbe ölkäsendäge «Маяк» zavodında qaza turında bik borçulı tapşıru oyıştırğan ide. Distälärçä yıl elek bulğan şartlawdan soñ şul tirädä urnaşqan tatar awılları qotoçqıç xäldä qalğan. Alarnı küçerügä aqça birelmägän, keşelär radiatsiä awırularınnan integälär, imgäk balalar tua. Xäyerçelek arqasında biçaralar xätta Çiläbegä bara almıylar, mäxkämä masrafların tülärgä bötenläy mömkinlekläre yuq. Qısqası, däwlät bu keşelärne äçe yazmış qulına taşlağan.
Ni qızğanıç, bezneñ cämäğätçelek tä, ä inde räsmi dairälär turında äytäse dä yuq, älege faciğağa tieşle iğtibar kürsätmi. Ä bit yış qına millätneñ yazmışı turında laf orabız, ä ul konkret ğämällärdän torğanın onıtabız.
Rusiädäge atom stansiälären ni däräcädä ışanıçlı ikäne yaxşı mäğlüm. Äle tözelgännäreneñ räxäten kürüçelär yuq, ä inde yaña stansiälar, yäğni minalar, şartlatqıçlar salırğa niätlänälär. Ägär dä atom stansiäläre keşelärgä xäwefsez urınnarda tözelsä häm kiläçäktä alarnıñ sälämätlegenä zarar kitermäw garantiälänsä, bu ber xäl, ä inde başqa oçraqlarda cämäğätçelek çañ suğarğa tiyış. Çönki tüşäk östendä radiatsiädän ülep yatqan keşelärgä latin alfavitı da, tatar tele dä, xalıq sanın alu da qısır qayğı bulıp kürenä.
Damir Ğismetdin