Accessibility links

шимбә, 10 декабрь 2016, Казан вакыты 19:45

Mintimer Şäymiev: Tatarstan prezidentı ike däwlät telen belergä tieş


Mintimer Şäymiev: Tatarstan prezidentı ike däwlät telen belergä tieş

Tatarstan Prezidentınıñ Interfax agentlığına birgän interviusında süz Tatarstan konstitutsiäse xaqında barğan. 19 aprildä respublika parlamentında töp qanun 3-nçe tapqır qaralırğa häm axır çiktä qabul itelergä tieş. Mintimer Şäymiev älege äñgämädä konstitutsiägä kertelgän üzgäreşlär häm üzgärmi qalğan mätdälärne barlap çığa. Tatarstanda ike däwlät tele buluwı xaqındağı mätdägä ayırım tuqtalıp ul, üz añlatmaların birä. “Ägärdä, respublikada ike däwlät tele dip sanala ikän, dimäk Prezident bulırğa teläwçe nämzät tä tatarça da, urısça da belergä tieş”. Interfax xäbärçese moña gäcäplänep, “bu keşe xoquqların qısa” digän fiker beldergän. Ämma Mintimer Şäymiev anıñ belän kileşmägän. Şul uq äñgämädä ul “Urısça belmägän keşe Rusiä Prezidentı bula alamı?” – digän soraw quyğan. “Bez milli töbäklärneñ ixtiacların añlarğa tieşbez, çönki anda yäşäwçe xalıqnıñ yartısı – urısça söyläşsä, qalğan yartısınıñ – töp xalıqnıñ – üz däwlät tele bar” – dip äytkän Tatarstan Prezidentı Mintimer Şäymiev.
XS
SM
MD
LG