Accessibility links

шимбә, 10 декабрь 2016, Казан вакыты 21:33

İldus Sadıqov: milli mänfäğätlärne, üzbilgelänüne xalıqara xoquq normalarına tayanıp yaqlarğa kiräk


İldus Sadıqov: milli mänfäğätlärne, üzbilgelänüne xalıqara xoquq normalarına tayanıp yaqlarğa kiräk

Räşit Yağfärovnıñ xisap notığı, dokladtaşlar Ğayal Mortazin, İldus Sadıqovnıñ çığışları iğtibar belän tıñlandı. Milli xäräkätneñ aqsaqalı İldus Sadıqov 1990-nçe yıllar başında xalıq diplomatiäse qısalarında Amerika kongressmennarı belän elemtägä kerep, 1992 yıl referendumına xalıqara küzätüçelär çaqıru häm alar tarafınnan referendumğa yuğarı bäya bireleün iskä aldı. Läkin soñraq şuşı bäysezlek turında Deklaratsiäne yaqlap çıqqan referendum näticäläreneñ federal' üzäk tarafınnan taptaluı turında söyläde. Ul xäzerge wäzğiättä dä milli mänfäğätlärne, üzbilgelänüne barı tik xalıqara xoquq normalarına ğına tayanıp yaqlarğa kiräk, dip sanıy. Şuña kürä ul xalıqara oyışmalarğa, Europa berlegenä, BMOğa möräcäğät itärgä täqdim itä.

Qorıltaynıñ berençe bülege dokladlar tıñlaw belän häm rezolütsiälär, möräcäğätlär qabul itü belän tämamlandı. Rezolyutsiälär, möräcäğät tekstları delegatlarga Qorıltay aldınnan taratılğan ide. Yäğni, berniqadär tanışır öçen waqıt birelgän ide. Şuña kürä Qorıltaynıñ rezolütsiäläre, möräcäğätläre tikşerelmiçä, fikerlär alışımıyça, nigezdä qabul itelde. Alıp baruçılarnıñ bälki izge niätlärdä, Qorıltaynı oyışqanlıq belän näticäle alıp baru öçen eşlängän ğämälläre kire effekt birde. Delegatlar häm qunaqlar Qorıltay barışına suındılar, Qorıltay sülpänlände. Berençe tänäfestän soñ inde yartı zal buş ide.
XS
SM
MD
LG