Ägdäs Borhanov: Tatarstan citäkçelege suverenitettan çigenä

Monıñ xaqında tänäfestän soñ berençe çığış yasawçı xalıq artistı Äzhär Şakirov açınıp söyläde. Ul millättäşlärebezneñ matur teläklär, qatğıy taläplär quyu belän qänäğätlänüen, yazmışıbızğa bitaraflığıbıznı tänqitläde, delegatlarnı, Tatar ictimağıy üzägen ğamällärgä çaqırdı. Äzhär Şakirovnıñ şuşı xisle, qaynar çığışı Qorıltaynı berniqadär canlandırdı. Mäskäw ğalime Ägdäs Borhanovnıñ Rusiädäge häm Tatarstandağı säyäsi wäzğiätkä fänni-analitik bäya birgän çığışı, Tatarstan citäkçelegeneñ suverenitet, bäysezlektän çigenüen, pozitsiälärne birüne tänqıtläp, Alabuğa bülege citäkçese Täskirä Şaripova, Tübän Kama bülege citäkçese Qayumov çığışları xätergä señep qalırlıq buldı.