Accessibility links

шимбә, 3 декабрь 2016, Казан вакыты 09:44

BTİÜ räise itep qabat Räşit Yağfärov saylandı


BTİÜ räise itep qabat Räşit Yağfärov saylandı

Şulay itep, yañaça nindider oyışqanlıq häm kütärenkelek belän başlanğan Qorıltay, ğädättägeçä ozaqqa suzılıp, sülpänlänep, kiçke 8 qädär bardı. Sägät 18.00 tulğandaraq, olı zalda spektakl' başlanğaç, delegatlarnıñ berse urınınnan ğına “kvorum yuq”, dip qıçqırdı. Şulay da, Qorıltay plenum, prezidium äğzaların sayladı. BTİÜ räise itep qabat Räşit Yağfärov saylandı.

Sişämbe könne BTİÜneñ yaña saylanğan räise Räşit Yagfärov Qorıltay näticäläre turında “Azatlıq” radiosına söyläde. Ul Qorıltay näticäläre belän qänäğät buluın, Tatarstannıñ möstäqillegenä, millätneñ üzbilgelänüenä qurqınıç yanağanda, milli xäräkätneñ canlana, kütärelä baruın äytte.

BTİÜneñ 15 aprildä Qazanda uzğan VII Qorıltayında distädän artıq rezolyutsiä häm berniçä möräcäğät qabul itelde. Rezolütsiälärneñ iñ möhime “Rusiä kolonial' säyäsäteneñ kiskenläşüe şartlarında BTİÜ eşçänlegeneñ töp prinsipları” dip atala. BTİÜneñ strategiäse elekkeçä qala: suverenitet, möstäqillek häm däwlätçelekne torğızu nigezendä tatar xalqınıñ milli azatlığına ireşü.

Azatlıq radiosı öçen Qazannan Yunıs Ätnäle
XS
SM
MD
LG