Accessibility links

шимбә, 3 декабрь 2016, Казан вакыты 05:38

Tatarstan Respublikası Konstitutsiäsen tikşerü däwam itä


Tatarstan Respublikası Konstitutsiäsen tikşerü däwam itä

Tatarstanda Bötentatar ictimaği üzägeneñ qorıltayı ütü säbäple şaw-şular inde tämamlanıp kilä. İke kön däwamında barlıq diärlek mäğlümät çaraları da şuşı çaradan yazmalar, reportajlar citkerdelär, tatarstanlılarnı bu xaqtağı törle fikerlär belän tanıştırdılar. Xättä rus telendä eş itüçe gäcitlär, televidenie kanalları da bu qorıltaynı yaqtırtuda şaqtıy aktiv qatnaştılar. Läkin respublikada başqa möhim waqiğalar da bulıp tora. Mäsälän, äle haman Tatarstan Konstitutsiäsen tikşerü däwam itä. Sişämbe, 16 aprel' könne, Däwlät Şurasınıñ däwlät tözeleşe, cirle üzidarä häm tışqı elemtälär mäs’äläläre komissiäse «Tatarstan Respublikası konstitutsiäsenä üzgäreşlär häm östämälär kertü turında»ğı qanun proyektın tikşerde. Barlıq kertelgän östämälär häm tözätmälär 19 aprel'gä bilgelängän Däwlät Şurasınıñ 11-nçe plenar sessiäsendä qaralaçaq. Qayber mäğlümätlärgä qarağanda, bu utırışta Tatarstan konstitutsiäse öçençe uqılışta soñğı märtäbä tikşerelep, qabul iteläçäk.
XS
SM
MD
LG