Accessibility links

сишәмбе, 6 декабрь 2016, Казан вакыты 19:04

Tatarstan militsionerları Çeçnädä


Tatarstan militsionerları Çeçnädä

Şuşı könnärdä genä Qazannan Çeçen respublikasına cinayät-tözätü sistemasınıñ 50 xezmätkäre komandirovkağa cibärelde. Bu alarnıñ Tönyaq Kavkazğa inde bişençe komandirovkası. Alar anda 90 kön xezmät itäçäk. Älege törkem Çeçnäneñ Çernokozovo şähärendä urnaşqan tikşerü izolyatorın saqlıyaçaq. Yustitsiä ministrlığı cäzalarnı başqaru idaräseneñ Tatarstandağı citäkçese Şäyxulla İzmaylov süzlärenä qarağanda, bu törkem kiräkle tör qorallar belän, barlıq kiräk-yaraqlar, azıq-tölek belän tulısınça tä'min itelgän. Respublikada üzläreneneñ xezmätkärlären härwaqıt iğtibarda totıp, alarnıñ xezmät itü häm toru şartların tikşerep toraçaqlar. Çärşämbe könne Tatarstannan tağın ber törkem militsiä xezmätkärläre Çeçen respublikasına yul tottı. 100 keşedän torğan militsiä otryadın militsiä podpolkovnigı Ferdinand Wäliäxmätov citäkli dip xäbär itä intertat.ru agentlığı. Belgänegezçä, Rusiä töbäklärennän Çeçnägä cibärelä torğan eçke eşlär ministrlığı xezmätkärläreneñ komandirovka möddäte ozaytıldı häm ul xäzer yartı yıl täşkil itä. Qayber töbäklärdä bu ğämäl belän rizasızlıq belderep militsionerlarnıñ Çeçnägä barudan baş tartuı, eşlärennän kitü oçraqları turında da xäbärlär buldı. Läkin Tatarstan militsionerları bu yulı da üzlärenä yöklängän burıçtan baş tarmadılar. Şulay itep, 6 ay buyı 100 tatarstanlı Çeçen respublikasında tärtip saqlıyaçaq. Älege komandirovka waqıtında alar moñarçı Volgograd militsionerları xezmät itkän Grebenskaya stanitsasında yäşiäçäk. Qazannan cibärelgän otryadqa cirle komendaturanı häm Kizlyar-Groznıy avtomobil trassasında kontrol'-militsiä punktın saqlaw wazıyfası yöklänä. Şulay uq alar üzläre xezmät itkän tirädä ğömümi tärtipne dä saqlarğa tieşlär.
XS
SM
MD
LG