Accessibility links

чәршәмбе, 7 декабрь 2016, Казан вакыты 00:50

Xökümät, hönärçelär berlege, sänäğätçelär assotsiatsiäse wäkilläre kergän komissiä pensiälär häm xezmät xaqı tüläw barışın tikşerde


Xökümät, hönärçelär berlege, sänäğätçelär assotsiatsiäse wäkilläre kergän komissiä pensiälär häm xezmät xaqı tüläw barışın tikşerde

Pänceşämbe könne Qazanda Tatarstan hönärçelär berlege yortında öçyaqlı komissiä utırışı buldı. Xökümät, hönärçelär berlege häm eş birüçelär, yäğni şirkätlär, sänäğät berläşmäläre bergäläp tözegän bu komissiä xezmät mönäsäbätlären kontroldä tota. Bu yulı komissiä ber-berse belän bäyle ike möhim mäsälä - pensiälär häm xezmät xaqı belän tä'min itü mäsäläsen tikşerde. Komissiä utırışında xökümät yağınnan premier-ministr urınbasarı Zilä Wälieva, Pensiä fondı, xezmät häm mäşgüllek ministrlığı häm sänäğät şirkätläre assotsiatsiäse wäkilläre qatnaştı. Uzğan yıl azağında federal üzäk pensiälär bilgeläw tärtiben köyläwçe 3 qanun çığarğan. Pensiä xäzer öç kisäktän tora: töp kisäk, iminlek tä'min itüçe häm cıyılıp bara torğan kisäktän. Xäzer qaysı öleşen kemnän cıyarğa, niçek cıyarğa, digän butalçıq wäzğıät. Ä pensionerlar sanı yıldan-yıl arta, pensionerlar pensiägä çığu öçen qaydan nindi dokument alırğa kiräklegen, alarğa küpme pensiä tieşlegen belä almıyça integälär. Sänäğät şirkätläre, berläşmäläre Pensiä fondına küçerelergä tieşle xezmät xaqınnan çığıp bilgelänä torğan protsentlarnı tieşleçä küçermilär. Monda bolğançıq sudan faydalanuçılar Pensiä fondına küçeräläse aqçalarnı qaydadır äyländerep alıp, faydasın üz kesälärenä salıp quyuçı citäkçelär da bar.

Komissiä utırışında şundıy ber misal kiterelde. Küptän tügel şundıy citäkçelärneñ berse, “Свияга” berläşmäse general' direktor urınbasarı berniçä yılğa iregennän mäxrüm itelde. Ä “Свияга” berläşmäse xezmät xaqı burıçları küläme belän respublikada iñ “alğa kitkän” 3 sänäğät şirkätläreneñ berse. Tağın KamAZ berläşmäse häm Lenin isemendäge fänni-citeşterü berläşmäse. Şundıy şirkätlärneñ eşçeläre protest yözennän inde zavod işek allarında mitinglar, cıyınnar ütkärgännäre da bar. Pensiä fondın tuplawğa ayaq çıla torğan tayaqnıñ ikençe başı menä şul, xezmät xaqı burıçları. Komissiä utırışında soñğı yılda bu burıçlarnıñ respublikada artuı häm anıñ kire 1996 yıl däräcäsenä qaytuı turında äytelde. Häm bu bälälärneñ säbäbeneñ asılın komissiä utırışında sänäğät şirkätläre assotsiatsiäse citäkçese Foat Räimov äytep birde. Bıyılnıñ berençe kvartalında sänäğät citeşterüe uzğan yılğa qarağanda 98% täşkil itkän. Şuña kürä xezmät xaqı burıçları arta, pensionerlarnıñ xäle möşkellänä. Läkin bu säbäpneñ dä säbäbe bar ikän. Assotsiatsiä citäkçese äytüençä, Tatarstan sänäğäte citeşterüeneñ tübäyänüe Rusiädä iqtisadi reformalarnıñ naçar baruı, energetika monopolistların yögänli almaw.
XS
SM
MD
LG