Accessibility links

Qazanda Tuqay köne…


Qazanda Tuqay köne…

Comğa könne respublika matbuğatında Mintimer Şäymievneñ 2002 yılda Tatarstannıñ Ğabdulla Tuqay isemendäge Däwlät büläklären birü xaqında Ukazı basılıp çıqtı. Laureatlar turında uzğan tapşırularıbızda xäbär itkän idek.

Böek şağirebez Gabdulla Tuqaynıñ 26 aprildä tuğan köne. Ğadät buyınça, Musa Cälil isemendäge opera häm balet teatrı qarşında zıyalılarıbız, milli cämäğätçelek cıyıldı. Tatarstan yazuçılar berlege räise Foat Ğalimullin bäyrämne açıp cibärde. Tuqayğa bağışlanğan bäyräm ul tatar xalqın bergä cıyıp qına qalmıy, ul bezne berläşterä. Mäydan östendä bıyılğı laureatlar Şamil Monasıpovnıñ qıllı kvartetı başqaruında moñlı “Täftilläw” yañğırıy başladı. Här tatar keşese kinät moñsulanıp tınıp qaldı. Ğasırlar aşa yäşäp kilgän moñ yöräklärne bäyläde. Änä şuldır inde ul bezne ber-berebezgä yaqın itkän, berläştergän, yaqtılıqqa öndägän milli xis.
XS
SM
MD
LG