Accessibility links

җомга, 2 декабрь 2016, Казан вакыты 22:57

… häm qayın bäyräme


… häm qayın bäyräme

Comğa könne Qazanda tağın ber qızıq çara uzdı. «Elektropribor» şirkäte qarşındağı parkta istälekle qayın utırtıldı. Şähärneñ mädäniät idaräse älege şirkät belän berlektä şuşı ğamälne XIX ğasırda yäşägän Qazan şağıre Niğmat İbrahimov istälegenä bağışladı. Çönki Niğmat ağa zamanında «Во поле березонька стояла», yäğni «Basuda qayınqay üsä» digän cırnıñ süzlären yazıp qaldırğan şağir. Rus xalqınıñ yaratqan cırına äwerelgän älege äsärneñ avtorı xaqında küpçelek qızğanıçqa qarşı belmi. Bezdä inde küptän berezalar «russkaya» dip atala. Ä baqsañ, ölkän tuğannarıbızğa qayınnar turındağı mäñgelek cırnı tatar şağire büläk itkän ikän.

«Elektropribor» qarşındağı parkta yözlägän keşe bar ide. Çaranı Казанские ведомости gazetasınıñ baş redaktorı Venera Yaqupova açıp cibärde. Annarı süzne mädäniät idaräse başlığı Älfiä Tutaeva aldı. Qayınnı çoqırğa utırtqanda Layıştan kilgän cır ansamble cırlap tordı. Barsı da matur, küñelle ide. Zamanında xätta Yevtuşenko “мой брат Нигмат” dip atağan İbrahimovnıñ iseme qayın utırtası urındağı plitädä tatarça da, rusça da “Nikolay” dip yazılğan ide.

Damir Ğismetdin
XS
SM
MD
LG