Accessibility links

якшәмбе, 4 декабрь 2016, Казан вакыты 23:19

Mintimer Şäymiev 10 könlek yalğa kitte


Mintimer Şäymiev 10 könlek yalğa kitte

Tatarstan prezidentı yalğa kitkän waqıtta respublikada üzgäreşlär bulamı? Mondıy soraw urınlı, çönki Rusiä prezidentı berär yaqqa kitsä, ildä kisken üzgäreşlär buluçan. Yä beräwne qulğa alalar, yäki tağın berär äkämät kilep çığa. Rusiä patşası mondıy çaqlarda, “Belmädem, kürmädem, öydä bulmadım, prokuror telefonğa cawap birmi”, dip aqlana. Tatarstanda xäl başqaçaraq. Düşämbe könne Mintimer Şäymiev 10 könlek yalğa kitkännän soñ, Tatarstandağı wäzğıät üzgärmäde. Çönki Tatarstanda xaqimiätneñ törle tarmaqları ber-berse belän kileşep, ber keşeneñ süzen tıñlap eşli. Matbuğatta prezident wazıfalarınıñ konstitutsiä buyınça premier-ministr Röstäm Miñnexanovqa küçüe turında xäbär çıqmadı. Bälki prezident bu xaqta rasporyajenie, yäğni kürsätmä imzalap qaldırğandır. Xäyer, yalğa da ällä ni yıraqqa kitmäde ul. Qazannan 20 çaqrımda İdel buyında urnaşqan Matyuşino urmanındağı prezident daimi yäşi torğan yazlığında yal itkändä, Mintimer Şäymiev radio, televidenie, telefonnı sünderep quya disälär – hiç ışanmas idem. Zamanası da tınıç tügel, bik xikmätle waqıt.
XS
SM
MD
LG