Accessibility links

якшәмбе, 11 декабрь 2016, Казан вакыты 01:24

“Yevraziä” partiäseneñ qorıltayınnan delegatlar qayttı


“Yevraziä” partiäseneñ qorıltayınnan delegatlar qayttı

Beläsezder, xäzer respublika, ölkälärneñ qanun çığaru organnarı 50% säyäsi firqalär wäkillärennän toraçaq. Häm ğadi töbäk firqäläre tügel, ä federal' partiälär, bötenrusiä oyışmalarınıñ cirle bülekçäläre genä respublika parlamentına ütä ala. Şulay bulğaç, federal' masştabtağı partiälärneñ respublikada nindi säyäsät alıp baruı bik möhim. Qazanğa Mäskäwdän “Yevraziä” firqase qorıltayında qatnaşqan delegatsiä qayttı. Robert Miñnullin, Damir İsxakov, Räfiq Möxämmätşin kebek säyäsätçelär Abdulwaxit Niäzov citäkçelegendäge partiäneñ säyäsi platformasın xuplap qaytqannar. Däwlät Sovetı räise urınbasarı, şağır Robert Miñnullin “Yevraziä” firqaseneñ Prezidiumına da saylanğan. Ser tügel, “Yevraziä” partiäsendä qatnaşuçılarnıñ küpçelege – möselmannar häm, añlaşıladır, tatarlar. Dimäk, şuşı federal' partiäneñ Tatarstandağı eşçänlegen cäyelderep cibäräçäklär. Nuja qalaç aşata, nuja quşsa, etkä dä cizni dip äyterseñ, dilär. Tatarstan parlamentına respublika yaqlı keşelärne saylatır öçen KPRF, DPR, xätta LDPR firqäläreneñ dä cirle oyışmaların iğtibardan çittä qaldırmaslar kebek.
XS
SM
MD
LG