Accessibility links

якшәмбе, 4 декабрь 2016, Казан вакыты 13:19

Ministrlar Kabinetınıñ çirattağı brifingında tatar teleneñ uqıtılu küläme tikşerelde


Ministrlar Kabinetınıñ çirattağı brifingında tatar teleneñ uqıtılu küläme tikşerelde

30 aprildä Ministrlar Kabinetı ütkärgän brifing tatar mäğärife sistemasına bağışlandı. Brifingnı alıp baruçı mäğärif ministrı Faris Xarisov başta Tatarstanda urta belem birüneñ ğomumi xäle turında söyläde. Annarı soñ ul tatar mäğärif sistemasına küçep, tatarlar küpläp yäşägän töbäklär belän bağlanışlar turında söyläde. Mäğärif ministrlığınıñ tatarça uqıtuda yärdäm kürsätüdä 20 töbäk belän kileşü tözelgän. Şul kileşüdä mäğärif ministrlığı wäkilläreneñ urınnarğa barıp yärdäm itüe dä küzallana. Şundıy barıp yaqınnan tanışular närsäne kürsätä soñ? Moñınçı tatarça uqıtu görläp tora, dip sanalğan Tömändä tatar mäktäpläre yuq, barı tik tatarça uqıtıla torğan sınıflar bar. Bu xaqta “Azatlıq” radiosınıñ da täfsille söylägäne bar ide. Semberdä tatar rayonı dan totqan Kulatkada mäktäplärdä balalar tatarça ğına söyläşsä dä, fännär urısça uqıtıla, barı tik tatar tele däresläre genä kertelgän. Kiläse uqu yılında mäğärif ministrlığı tatar ädäbiäten, tatar mädäniäten uqıtunı kiñäytä, programmağa kertä. Bıyıl çığarılış sıynfı uquçıların imtixannarda ber yañalıq kötä. Soçinenie, yäğni icadi yazma eşlärneñ 35 teması 1 iyüngä qadär Rusiäneñ üzäk gazetalarında iğlan iteläçäk. Här tema 8 varianttan tora. İmtixan könne Tatarstan teleradiokompaniäse şuşı temalarnı turı efirda loto sisteması buyınça uynatıp saylaw oyıştıraçaq. Yäğni, imtixan könne mäğärif ministrlığı cibärgän konvertnı açıp, tema iğlan itü küpçelek mäktäplärdä bulmayaçaq. Maxsus matematika, fizika uqıtu mäktäplärendä yazma eşlär şul elekke ısul - konvert açıp iğlan itü qalaçaq. Ä inde tatar tele uqıtunıñ küläme däräcäse turındağı bäxäslär brifingta da quptı. Bigräk tä urıs telle mäğlümat çaraları wäkilläre tatar tele uqıtu urıs telen tiyışle däräcädä öyränüdä qomaçawlıq yasıy, dip sanılar.

Sorawlarnıñ iñ azağında latin imlasına da kilep cittek. Faris Xarisov äytüençä, Tatarstanda 60 mäktäpneñ 60 sınıfında latin imlasın üzläşterü buyınça eksperiment däwam itterelde. Eksperimentqa näticälär uqu yılı azağında yasalaçaq. Läkin berençe näticä dä bar. Uqıtuçılar tatar telen başlap öyränüçe uquçılarnıñ latin imlasın qulayraq kürälär, digän näticä yasılar. Yäğni, latin imlasında uqırğa, yazarğa öyränü başqa millät balalarına asatraq.
XS
SM
MD
LG