Accessibility links

Кайнар хәбәр

Amerika Tatarları Assotsiätsiäsendä - Bötendönya Tatar Kongressı wäkilläre


Amerika Tatarları Assotsiätsiäsendä - Bötendönya Tatar Kongressı wäkilläre

İnternettağı tatar konferensiäsennän kilgän xäbärgä qarağanda, Amerqağa kitkän Tatarstan wäkilläreneñ eşläre tığız. 3 may, comğa könne New York’ta, Amerikadağı Tatar Assotsiätsiäse binasında millättäşlärebez Bötendönya tatar kongressınıñ başqarma komitetı räise İndus Tahirov, anıñ urınbasarı Razil Wäliev, Qazan milli mädäni üzäk mödire Rinat Zakirov belän oçraşaçaq. Saidä Xacinıñ internet aşa taratılğan xäbärendä äytelgänçä, älege kiçädä cırçı Röstäm Zakirovnıñ qatnaşuwı kötelä. Ul Ameriqa tatarları xozurına borınğı tatar köylären täqdim itärgä tieş.

Şimbä 4 mayda isä, şul uq Tatar Assotsiätsiäse binasında, Qazannan kilgän qunaqlar häm Ameriqa tatarları ütken mäsälälärgä qaraşların belderep, tügäräk östäl artında söyläşü ütkäräçäk, dip xäbär itä New York şähärennän Saidä Xasi.

1 häm 2 mayda Tatar kongressı wäkilläre Washington şähärendä bilgele tatar ğalimnäre belän oçraşular ütkärä. Şunıñ belän bergä, alarnıñ kön tärtibenä Tatarstannıñ Amerikadağı wäkile belän küreşü dä kertelgän. Quşma Ştatlarda ütkän bu oçraşular xaqında tulıraq mäğlümätnı aldağı xäbärlärdä citkererbez.
XS
SM
MD
LG