Accessibility links

җомга, 9 декабрь 2016, Казан вакыты 14:41

Tatarstanda bäyräm könnäre


Tatarstanda bäyräm könnäre

Tatarstanda bu könnärdä säyäsät, ictimaği eşlär onıtılıp tora. Alda äle tağın öç yal köne. Möğaen, bu könnärdä iminlek, yanğınnan saqlaw, aşığıç yärdäm xezmätläre, ğadättän tış xällär ministrlığı xezmätkärläre häm siräk-miräk mäğlümat çaraları ğına eşlider, sıman. Läkin yıldağıça, May bäyräme könnäreneñ niçek, qayçanğa turı kilüe, küpme yal könenä buluına qaramastan, älbättä, cir keşese, awıl keşese xezmättä, çäçü öste. Bäyräm aldınnan 7-10 kön esse, qorı hawa tordı. Xätta, yanğınnan saqlaw xezmäte Qazan tiräsendäge urmanlı yal itü urınnarına çığudan tıyılunı, bigräk tä ut-küz çığarudan saqlanu turında kisätte. Xätta, Qazan tiräsendäge yazlıqlar, baqçalar öslärendä maxsus küzätü oçqıçlarınnan tawış köçäytkäçlärdän “ut belän saq qılanığız”, dip qıçqırıp yördelär. Şulay itep, cir tiz ölgerde, ber atna eçendä qırlarğa, ağaçlarğa yäşellek kerde. Şähär xalqı yazlıqlarına, baqçalarına yabırıldı.
XS
SM
MD
LG