Accessibility links

җомга, 2 декабрь 2016, Казан вакыты 21:07

…yäş yegetlär armiädän qaça


…yäş yegetlär armiädän qaça

Yaznı sağınıp, söyenep kötep alğannar arasında yäşlär dä küp. Läkin 18 yäşen tutırğan här ir-yeget qulında “kecä biletı” bulmasa yazın häm közen armiä saflarına kitärgä tieş. Qayber yegetlär xärbi xezmättän ügez qızıl çüpräktän qurıqqan kebek qaçıp yörilär. Andıylar Tatarstanda xäzer 2 meñgä yaqın ikän. Bu xärbi xezmätkä çaqırılğannar yartısı diärlek. Qaçqınnarnıñ kübese Qazan, Çallı, Tübän Kamada yäşi. 2001 yılda 38 qaçqın xökemgä tartılğan. Xäzergä çaqırılış komissiäsenä kilergä tieşle 26 meñ keşeneñ nibarı yartısı terkälgän. 13 may- 30 yün arasında yegetlärne törle töbäklärgä ozataçaqlar. Xärbi xezmätkä yaraqsızlarnıñ sanı da artıp bara. Bıltır, mäsälän, çaqırılğan yegetlärneñ 734 narkoman, ä 171 AIDS infeksiäle bulğan. Tatarstan xärbi komissariat citäkçese Mustaevnıñ jurnalistlarğa üpkäse zur ikän. Çönki alar xärbi- patriotik temalarnı kütärer urınğa armiädän qaçu yulların, alternativ xezmät turında kübräk yazalar. Älbättä, bügenge armiä cämğiätebezneñ böten çirlären, bälälären yoğıştırğan oyışma. Elek mıltıqlı keşe paçutta bulsa, bügen andıy adämnärgä sağayıp qaraw bar. Çönki alarnıñ qayberläre äledän-äle bäydän ıçqınğan etlär kebek, qoralsız keşelärgä höcüm itälär. İnde yıl buyı armiä belän närsäder eşlärgä kiräk dip yorsälär dä, älegä xärbi reformalar ber urında taptana. Üzenä yäşlärne cälep itälmägän armiädän qaçıp yörüçelärne awlap yörü genä ällä ni fayda birmi şul.

Bäyrämnärdä beraz onıtılıp torırğa kiräkter. Çönki alar uzuğa toraq-kommunal' tarmağı citäkçeläre xalıqqa tağın ber syurpriz turında iğlan itäçäklär. Qazan şähäre administratsiäse wäkilläre xäbär itkänçä, fatirğa tüläw bäyäläre 5-30 % üsäçäk. Fatir xucaların söyenderergä tieşle xezmät kürsätüneñ sıyfatı xet 1-2% protsentqa yaxşırsa ide. Citmäsä, yaqın arada törle tarmaqlarda xezmätçelärneñ qısqartuı quzallana. Xezmät ministrlığı xäbär itüençä, bu qısqartu 9 meñ keşene eşsez qaldıraçaq. Şuña da ğadi xalıqqa May bäyrämnärendä onıtılıp toru faydalıraq bulır, diäse kilä.
XS
SM
MD
LG