Ber-işe xäbärlärgä qarağanda, Başqortstannıñ könbatış rayonnarında yäşäwçe, ğomer buyı tatar bulıp isäplängän millättäşlärebezneñ tirän tarixında başqort tamırların ezläw belän nıq şöğellänälär. Radio, ТV, gäcitlär aşa, bu rayonnarda şul isäptän, moña qadär ber genä başqort awılı bulmağannarında da küpçälek başqortlar täşkil itä digän köçle propaganda alıp barıla. Elegeräk mondıy eş beraz saqlanıbraq qılınsa, xäzer açıqtan-açıq basım yasala. Ä şul waqıtta Tatarstan ğalimnäre xätta Minzälä, Aqtanış rayonnarında yäşäwçelärneñ başqort tügel, ä tatar ikänen isbatlarğa üñaysızlanıp toralar. Matbuğatta bu xaqta dälille, mäqälälär kürenmi diärlek. Şulay da yün urtalarında Tatarstan fän akademiäsenäñ tarix institutı tatar xalqı tarixı turında zur konferensiä oyıştıtırğa cıyına ikän. Bälki şunda kemneñ kem ikänen bilgelärgä, açıq äytergä niätlänälärder bezneñ aqıllı başlar. Ä bit qayber säyäsätçelär yoqlap yatmıylar, mäsälän, zamannıñ aktual' mäsälälärenä säyäsättä täcribäse bulğan kommunistlar nıq iğtibar birälär.
Tatarstan kommunistlarınıñ 1 may mitingısında Rusiä tatarlarına möräcäğäte iğlan itelde. Anda «Rusiä xaqimiäte san buyınça ikençe xalıq bulğan tatarlarğa qarşı provakatsiä äzerlilär», dielä. Xalıq sanın alğanda, millätne kisäklärgä bülü turında äytelä. Ayıruça awır xäldä Başqortstanda yäşäwçe millätäşlärebez qalğan. «andağı baylar häm xannar Rusiä häm Tatarstan xaqimiätläreneñ däimi torularınnan faydalanıp, tatar xalqınıñ milli-mädäni genotsidın alıp baralar. Biredä küptän tatarlarnı köçläp başqortlaştıru säyäsäten oyıştırıla. Xalıq sanın barlaw aldınnan bu säyäsät tağın da aktivlaştı», dielä älege möräcäğättä. Kommunistlarğa nindi genä mönäsäbättä bulsaq ta, älege möräcäğättä äytelgän süzlärgä bitaraf qalıp bulmıy. Alar uylandıra, häm, nihayät, bu mäsäläne cämäğätçelek, ğalimnär tarafınnan ğına tügel, citäkçe dairälärneñ dä kiçekmästän iğtibar itüen taläp itä.
Tatarstan kommunistlarınıñ 1 may mitingısında Rusiä tatarlarına möräcäğäte iğlan itelde. Anda «Rusiä xaqimiäte san buyınça ikençe xalıq bulğan tatarlarğa qarşı provakatsiä äzerlilär», dielä. Xalıq sanın alğanda, millätne kisäklärgä bülü turında äytelä. Ayıruça awır xäldä Başqortstanda yäşäwçe millätäşlärebez qalğan. «andağı baylar häm xannar Rusiä häm Tatarstan xaqimiätläreneñ däimi torularınnan faydalanıp, tatar xalqınıñ milli-mädäni genotsidın alıp baralar. Biredä küptän tatarlarnı köçläp başqortlaştıru säyäsäten oyıştırıla. Xalıq sanın barlaw aldınnan bu säyäsät tağın da aktivlaştı», dielä älege möräcäğättä. Kommunistlarğa nindi genä mönäsäbättä bulsaq ta, älege möräcäğättä äytelgän süzlärgä bitaraf qalıp bulmıy. Alar uylandıra, häm, nihayät, bu mäsäläne cämäğätçelek, ğalimnär tarafınnan ğına tügel, citäkçe dairälärneñ dä kiçekmästän iğtibar itüen taläp itä.