Accessibility links

чәршәмбе, 7 декабрь 2016, Казан вакыты 11:52

7 may – Radio köne


7 may – Radio köne

Çirattağı bäyräm, Radio könendä, Tatarstan radiosınıñ xäle niçek? Tatarstan radiosınıñ irtänge tapşıruında teleradiokompaniä räise urınbasarı Miläwşä Aytuğanova şul turıda, radionıñ mäğlümat çarası bularaq, tärräqiäte turında söyläde. Mäğlüm ki, soñğı yıllarda ultraqısqa dulqınnarda söyläwçe FM-radio sannarı arttı, “Tatarstan yaña ğasır” telekanalı eşli başladı. Şuşı könnärdä Irınbur ölkäsendä TV-Boğoroslan şirkäteneñ “Yaña ğasır“ programmaların translyatsiäläügä litsenziä aluı turında xäbär kilde. Xäzer “Tatarstan yaña ğasır”nı Irınburnıñ 60 meñgä yaqın xalqı kürä alaçaq. Läkin radio elemtäneñ texnik yağına kilsäk, anıñ artqa kitkän yağı da bar. Bigräk tä awıl cirendä taralğan häm şähärlärdä kuxnyalarda söyläp torğan ğadäti çıbıqlı radio kimi bara. Miläwşä Aytuğanova şul xaqta irtänge turı efirda söylägäç, radionı telefon çıltıratuları basqan. Xalıq borçıla, çıbıqlı radio kiräk. Köndez “Azatlıq” radiosına birgän intervyusında Miläwşä Aytuğanova Tatarstanda radionıñ mäğlümat çarası bularaq xäle turında menä närsälär äytte:

Xäzerge köndä Tatarstanda kiñ mäğlümät birä torğan, uylandıra torğan radiolar bik az. Läkin andıy radiolarnıñ kiläçäge bar, çönki kiläçäktä xalıq muzıka belän mawığa torğan radiolardan tuyar. Mine häm bezneñ tıñlawçılarnı borçığan ber problema bar. Ul – çıbıqlı radio, anıñ bügenge xäle. Çıbıqlı radio çeltäre xäzer naçar texnik xäldä, qayber rayonnarda, awıllarda ul bötenläy işetelmi. Anı yañartır, qarar öçen küp aqça taläp itelä, andıy aqçalar xökümät tarafınnan birelmi. Şul uq tapşırularnı ozın häm ultraqısqa dulqınnarda da tıñlap bula.
XS
SM
MD
LG