Accessibility links

сишәмбе, 6 декабрь 2016, Казан вакыты 13:10

Valeriy Tişkov tatarlarnı bülüne däwam itä


Valeriy Tişkov tatarlarnı bülüne däwam itä

Rusiä Fännär akademiäseneñ etnologiä, antropologiä institutı direktorı Valeriy Tişqovnıñ «Vremya novostey» gäcitendä 30 aprildä basılıp çıqqan «Pyataya grafa perepisi» digän mäqäläse Tatarstanda ğäcäplänü häm qänäğätsezlek uyattı. Bu mäqälädä bıyıl ütkärelä torğan xalıq sanın alu waqıtında millätlärneñ ğomümi sanın arttırıp, elek başqa millätlär eçendä sanalğan xalıqlarnı terkäü turında äytelä. Valeriy Tişkov bu ğämälneñ ideologı buluın yäşermi. Ul seber häm ästerxan tatarların tatar xalqınıñ eçke terkeme bularaq sanaunı, ä keräşennärne ayırım millät bularaq isäpläüne üze citäklägän institut belgeçläre täqdime ikänlegen äytä. Valeriy Tişkov Tatarstan wäkilläreneñ häm tatarlarnıñ tatar xalqın bülügä qarşı toruın açıqtan-açıq millätçelek dip sanıy, şulay uq ul Tatarstanda keräşen awıllarında çirkäülär tügel, ä möselman mäçetläre tözelä, dip belderä. Valeriy Tişkov mäqäläse turında tarix fännäre doktorı, etnograf Damir İsxakov Azatlıq radiosı öçen menä närsälär äytte:

Bu mäqälä xäzerge waqıtta Rusiä xaqimiätläreneñ xalıq sanın alu turındağı fikerlären çağıldıra. Anda, mäsälän, seber häm ästerxan tatarların tatar xalqınıñ ber öleşe itep sanarğa täqdim itelsä, keräşenärne yañadan ayırım xalıq itep sanarğa kiräk, digän fiker äytelä. Gärçä bez Mäskäüdä Tişkov institutında ber ay elek kenä bulğan fänni cıyılışta tatar xalqınnnan ayırılırğa telägän keräşennärne ayırım xalıq itep, ä telämägännärne – keräşen tatarları dip yazırğa kiräk, digän näticä yasağan bulsaq ta.
XS
SM
MD
LG