Accessibility links

пәнҗешәмбе, 8 декабрь 2016, Казан вакыты 17:25

Tatarstanda Ciñü bäyrämenä bağışlanğan çaralar uza


Tatarstanda Ciñü bäyrämenä bağışlanğan çaralar uza

9 May çaraları Tatarstanda tınıç qına bara. Qazanda bäyräm çaraları irtänge yaqta Ciñü parkında tantanalı miting belän başlanıp kitte. Anda respublikanıñ iñ xörmätle suğış veterannarı cıyıldı. Alarğa täbrikläw süzläre belän Qazan şähäre administratsiäse başlığı Kamil İsxakov, prezident Mintimer Şäymiev häm iñ abruylı veterannar, cämäğät eşlekleläre möräcäğät itte. İkençe bötendönya suğışına frontqa kitkän 350 meñ Tatarstan keşeneñ yartısı häläk bulıp qalğan, isän-saw qaytqan veterannar sanı yıldan-yıl kimi, xäzer alarnıñ qoral totıp suğışqan 34.5 meñ çaması isän-saw. 379 Sovet qaharmanınıñ 9 ğına isän qalğan. 8 May könne suğış veterannarınıñ Mintimer Şäymiev belän oçraşuında, bala kileş nemes konslagerına eläkkän Raxilä Gallyamova Finlandiädä urnaşqan konslagerdan fin tatarları qotqarğan 79 balanıñ 35 genä isän, şularnıñ 31 Tatarstanda yäşi, dip söyläde.

Äye, suğış tegermäne millätneñ dä qaymağın, mayın suırıp alğan. Mitingta Tatarstan Yazuçılar berlege räise Foat Ğalimullin suğış yıllarında tatar yazuçılarnıñ yazmışı turında söyläde. Çığış yasağan veterannar yäşlärne vatanpärwär itep tärbiäläwgä iğtibar ittelär. Alar soñğı waqıtta Böyek watan suğışı tarixına reviziä yasap, yäş buın aldına Vlasov xıyänätçäme, patriotmı, yä bulmasa, Germaniä suğışnı otqan bulsa, bez niçek yäşär idek, digän provakatsion sorawlar quyıluğa üpkälilär. Mitingta yasağan çığışında Mintimer Şäymiev “suğış veterannarına Watannı kiläçäk buın öçen azat itep saqlap qaluları häm näq menä yäş buınnı tärbiäläwdä ürnäk bulıp toruları öçen baş iäm, dide. Veterannarğa Qazannıñ 1000-yıllığın häm Ciñüneñ 60-yıllığın bergä isän-saw qarşılarğa yazsın”, digän telägen ireşterde.
XS
SM
MD
LG